POP 5

Lajmet më të lexuara të 5 minutave të fundit

Kultura

“Kolonja e piktorëve të vegjël” zbret në Korçë! 30 artistë 'hedhin' atraksionet turistike në telajo

“Kolonja e Piktorëve të vegjël” është ekspozita më e fundit në Korçë, ku me punimet e tyre morën pjesë mbi 30 artistë të vegjël. Fshatrat e Kolonjës ishin disa nga atraksionet turistike që artistët e vegjël kishin zgjedhur të hidhnin në telajo, ndërsa zyrtarët vendor premtojnë se ky event do të kthehet në një traditë

Natyra e bukur e Kolonjës është kthyer këtë herë në atraksionin e piktorëve të vegjël, ku mbi 30 fëmijë nga qarku i Korçës u bënë pjesë e ekspozitës “Kolonia e piktorëve të vegjël”. Artistët e vegjël kanë hedhur në telajo vlerat natyrore të Rehovës, Borovës, Vodicës, Sotirës dhe vendeve të tjera që spikatin në zonën e Kolonjës.

'Jam 16 vjeç, vij nga Pogradeci dhe kam pikturuar Kishën e Rehovës. Ishte një vend shumë i bukur dhe piktura mori ngjyra shumë të bukur dhe mua më pëlqeu shumë', shprehet një piktore.

'Quhem Flavoi dhe jam 12 vjet. Vij nga fshati Sheqeras i Maliqit. Këto janë pikturat e mia. Kjo është një enë nga muzeu dhe ky është një qilim artizanal.'- tha një piktor.

'Unë jam 18 vjeç dhe kam pikturuar Kolonjën e bukur. Është një qytet mjaft piktoresk ndaj më pëlqen ta pikturoj', thotë një adoleshent tjetër.

Për kryetaren e qarkut, Ana Verushi dhe Kreun e Bashkisë Kolonjë Erion Isai aktivitete të tilla duhet të kthehen në traditë të çdo viti pasi jo vetëm shpalosin bukuritë e vendit por edhe tërheqin të rinjtë nga montonia duke zhvilluar kreativitetin e tyre.

'Këshilli i Qarkut mendoi që ta financoj këtë projekt, i cili vënë në jo vetëm aftësitë krijuese të talentëve të reja, por është një burim që shpalos bukuritë natyrore që ka Kolonja në veçanti'- tha Ana Verushi.

'Gjithë qarku është një vlerë e madhe dhe endrra ime e madhe është që i gjithë qarku të jemi një dhe viti tjetër do të jetë akoma më surprizues'- u shpreh kryetari i bashkisë Erion Isai.

Ky është viti i 3 i organizimit të “Kolonisë se piktorëve të vegjël” ndërsa ekspozita  do të qëndrojë e hapur në ambientet e pallatit të kulturës për disa ditë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Mundohuni të mos stresoheni shumë... çfarë kanë parashikuar yjet për sot

Mundohuni të mos stresoheni shumë... çfarë kanë parashikuar yjet për sot

29 Janar, 07:03