Kombëtarja e voljebollit të femrave ka bërë një tjetër ndeshje fantastike. Pas kalimit të grupit të grupit në Ligën e Europës si vend i dytë, çka ndodhte për herë të parë në historinë e volejbollit shqiptar, vajzat kuqezi kanë fituar në Austri, pikërisht ndaj rivalit që në Tiranë fitoi 3-0.

Vendaset austriake fituan 2 setet e para, 25-21 dhe 25-22. Po kur u mendua se ndeshja mbaroi, Shqipëria fiton setin e tretë 25-19, pastaj edhe të katërtin me shumë lehtësi, 25-16.

Seti final ishte dramatik, vajzat tona e nisën keq, 1-5, por ndodhi mrekullia. Në fund arrijnë të fitojnë setin e pestë 15-11 dhe të përmbysin me sete 3-2. Me këtë rezultat, Shqipëria mund të zërë edhe vendin e parë në grup.