Kombëtarja humb 2 vende në renditjen e FIFA-s, ngjitet Kosova

Tri humbje radhazi në miqësore, ndaj Norvegjisë, Kosovës dhe Ukrainës, kanë ngritur alarmin në kombëtaren kuqezi. Lojtarët dhe trajneri Panucci janë kryqëzuar nga opinion futbolldashës shqiptar, ndërkohë që në shtator fillojnë eliminatoret e Ligës së Kombeve.

Nuk kishte si të ndodhte ndryshe pas kësaj ecurie, përpos rënies në renditjen mujore të FIFA-s. Për muajin qershor, kombëtarja kuqezi ka humbur dy vende, teksa e shikon veten e 58-ta, me 538 pikë, nga e 56-ta muajin e shkuar, me 549 pikë.

Fitorja ndaj Christian Panuccit dhe të tijve i kanë mjaftuar Kosovës për të ngjitur 11 vende në renditjen e FIFA-s, duke u pozicionuar e 141-ta, me 197 pikë.

LEXO EDHE:
SPECIALE/ Europiani i paharruar i shqiptarëve! Pamje, detaje dhe intervista ekskluzive nga Gjermania (VIDEO)

Kujtojmë se kulmin në renditjen e FIFA-s, Shqipëria e pati në muajin gusht 2015, me vendin e 22-të. Një rekord historik në ranglistën e kombëtareve të gjithë botës.

Vendi i 84-t ka qenë pozicioni më i keq, që ka pasur kombëtarja shqiptare nën drejtimin e Xhani De Biazit. Këtë pozicionim kuqezinjtë e kanë pasur në muajt prill, maj, tetor dhe nëntor 2012.

Nën drejtimin e Panuccit, këtë vit Kombëtarja ka pasur vetëm rënie. Për trajnerin italian provimi më i rëndësishëm do të jetë në Ligën e Kombeve. Nëse ia del aty, me siguri që do ta udhëheqë edhe në Euro 2020, në të kundërt nuk do të ishte çudi që ai të shkarkohej.

TAG:
• kombetarja shqiptare
• renditja ne fifa

Sondazhi i ditës:

Joe Biden tërhiqet nga gara presidenciale në SHBA, si e vlerësoni?

• Të drejtë

  85.9%

• Të gabuar

  4.1%

• S'më intereson

  10%

Vota total: 1138

Votat totale janë unike

• Sondazhi i ditës:

  Joe Biden tërhiqet nga gara presidenciale në SHBA, si e vlerësoni?

  Të drejtë Të gabuar S'më intereson