POP 5

Lajmet më të lexuara të 5 minutave të fundit

Sport

Kombëtarja tenton sonte mrekullinë me Spanjën, Reja zgjedh titullarët! Talenti Empolit e nis nga stoli

Shqipëria do të përballet sonte me Spanjën në një ndeshje miqësore tejet të vështirë. Trajneri Reja thotë se të tilla sfida tregojnë nivelin e kuqezinjve, ndërsa tashmë ka zgjedhur edhe 11-shen titullare që do të hedhë në fushë.

Kombëtarja shqiptare luan sonte në orën 19:45 një përballje miqësore tepër delikate kundër Spanjës në Katalonjë. Kuqezinjtë në gjithë historinë e tyre nuk kanë fituar asnjë prej 7 ndeshjeve me ‘La Roha-n’, ndërsa për të ndryshuar historinë Reja thotë se ka gati planin.

“Futbollin spanjoll e njoh dhe e vlerësoj shumë. Dua që kundër Spanjës të mos përsërisim atë që bëmë me Anglinë. E di që e zotërojnë shumë mirë topin, por në fund kjo nuk më intereson. Në fund dua rezultatin,”-u shpreh Edy Reja, trajner i kombëtares.

Pas pesë ditësh stërvitje trajneri Reja është bindur edhe për formacionin, duke zgjedhur të startojë me titullarët e përhershëm. Duke qenë se Hysaj është kapiteni, në portë është zgjedhur Thomas Strakosha, ndërsa treshen e mbrojtjes pritet ta përbëjnë Ismajli, Gjimshiti dhe Kumbulla. Nga krahët përveç Hysajt do jetë edhe Ivan Balliu, një lojtar që e njeh mirë futbollin spanjoll, pasi aktivizohet në La Liga me Rayo Vallecano-n. Në mesfushë Bare dhe Laçi do mbështen nga Gjasula, i cili ka fituar balotazhin me Kristjan Asallanin, 20-vjeçarin e talentuar të Empolit.

Sakaq në sulm Armando Broja do të mbeshtet nga Sokol Cikalleshi. Ndeshja arbitrohet nga një katërshe arbitrash nga Malta, ndërsa përveç Spanjës, Shqipëria 3 ditë më pas do të ketë një tjetër miqësore kundër Gjeorgjisë.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06