Kombëtarja zëvendëson Tramexanin
zbulohet 'krahu i ri i djathë' i De Biasit

Largimi i Paolo Tramexanit e bëri mëse të nevojshme kërkimin një trajneri të ri i cili do të qëndrojë përkrahë Xhani De Biasit në drejtimin e kombëtares shqiptare të futbollit.

E ky kërkim nuk ka zgjatur gjatë pasi sot është gjetur zëvendësuesi i tij dhe bëhët fjalë për Marco Veronese. Lajmin e bën të ditur portali italian ‘GianlucaDiMarzio’ sipas të cilit thuhet se tekniku kuqezi kërkon që të ketë sërisht një bashkëkombas në stolin e kombëtares.

Veronese i lindur në 76-ën ka qënë lojtar i De Biasit në kohën kur italiani drejtonte skuadrën e Modenas, skuadra e cila u bë protagoniste duke kaluar për dy vite nga seria C1 në A nga përgjatë viteve 2000-2002.

I rritur tek të rinjtë e Interit e duke debutuar në Serinë A me ekipin e parë, Marco Veronese ka patur eksperiencë si lojtar në ekipe si Cesena, Spezia e Chievo e më pas si trajner tek Pavia, Monza dhe Cremonese, ekipe të cilat luajnë në Serinë B.

Tashmë ka shansin e artë për t’u bërë pjesë e stolit kuqezi e për të sprovuar veten në përballjet kundër kombëtareve të tjera nga i gjithë globi.

Redaksia Online
K.M/Shqiptarja.com