Komision për Çamët?PS-LSI
kundër PDIU:Mos dëgjoni Mesilën!

TIRANE-PS dhe LSI i kanë dalë kundër PDIU-së për ngritjen e një Komisioni të Posacëm për Çështjen Çame.

Në konferencën e kryetarëve të grupeve parlamentare është zhvilluar nje debat i fortë mes Gramoz Rucit, Arta Dades dhe Spartak Brahos me Shpëtim Idrizin, paraditen e së hënës. Sipas PS-së ky komision është pakuptim dhe po kërkohet thjeshtë për kapital politik para zgjedhjeve.

Ndërsa Spartak Braho i LSI-së ka këshilluar kryetarin e PDIU-së Shpëtim Idrizi të konsultohet me juristë e jo me Mesila Dodën.

“Nuk mund të jetë komision i posaçëm se nuk ka një çështje emergjente apo madhore. Maksimumi mund të jetë komision hetimor për gjëra të karakterit teknik. Mos ia le Mesilës t’i bëjë këto po jepja juristëve. Nuk ka mbështetje kushtetuese dhe lìgjore ngritja e komisionit hetimore për cështen çame.
 
Madje është banale si kërkesë dhe nuk prodhoi asgjë pasi është njëlloj sikur Kuvendi shqiptar të ngrejë komision hetimor për lìgjin e luftës me Greqine, megalomani”.

Ndërsa Arta Dade ka qenë më e prerë “Ç’kuptim ka kjo? Kohë nuk ka fare për këtë punë pasi parlamenti është në të mbaruar. Bëhet më tepër për të fituar kapital politik të ndonjë force a ndonjë tjetër”, është shprehur ajo.

Komisioni i kërkuar nga PDIU për qëllim hartimin e një dosjeje të plotë të të gjithë asaj çfarë ndodhi përpara dhe pas dëbimit të çamëve nga Greqia dhe rolin e Shqipërisë në atë kohë.

Në konferencë kryetarësh u vendos gjithashtu që të ketë shtyrje mandate me një muaj për 2 komisionet e ÇEZ.

Ndërsa ka mbetur pa përgjigje kërkesa e kreut të grupit demokrat, Edi Paloka t'i kushtohet një vëmendje maksimale procesit zgjedhor që të vihet në zbatim implementimi i elektronikën në procesin e votimit dhe numërimit në zgjedhjet e ardhshme të qershorit.

(d.b/Shqiptarja.com)

TAG:
• gramoz ruçi