Komisioni i Apelit i jep të drejtë Erzenit dhe Elbasanit, nuk do ketë ndryshim formule në Kategorinë e Parë

Sezoni 2020-2021 i Kategorisë së Parë do të jetë i pandryshuar. Kjo pasi FSHF ka njoftuar sot se Erzeni dhe Elbasani kanë fituar të drejtën e tyre për pjesmarrje nga Komisioni i Apelit në Komisionin e Licensimit. Ky i fundit më herët kishte vërejtuar se dy skuadrat në fjalë nuk i përmbushnin kushtet dhe kishte vendosur t’i përjashtonte.

Sakaq si rrjedhojë spekulojë ideja që të ndryshonte formula e Kategorisë së Parë dhe mos të ishte më si ai i sezoneve të kaluara me dy grupe.

Njoftimi i FSHF-së:

Federata Shqiptare e Futbollit është njohur ditën e sotme me vendimin e Komisionit të Apelit për Licensimin e Klubeve për ti dhënë licensën Erzenit dhe Elbasanit.

Ky komision, pasi mori në shqyrtim kërkesat e të dy klubeve të cilat kërkonin rrëzimin e vendimin të Komisionit të Licensive të shkallës së parë që kishte refuzuar licensat për të garuar në Kategorinë e Parë për sezonin 2020-2021, vendosi ti japë licensën skuadrave pasi është verifikuar se të dy klubet kanë plotësuar të gjitha kriteret e licensimit.

Skema e Kategorisë së Parë do të jetë e pandryshuar edhe në sezonin 2020-2021, me 18 skuadrat pjesëmarrëse që do të ndahen nga Grupet A dhe B.

Shorti për edicionin e ri do të hidhet ditën e premte, datë 9 Tetor 2020, ora 11:00, në ambientet e Air Albania Stadium.

Ne.k./Shqiptarja.com

TAG:
• fshf
• komisioni i licensimit
• komisioni i apelit