POP 5

Lajmet më të lexuara të 5 minutave të fundit

Media

Komisioni i Medias, PD i thotë Jo
hetimit të reklamave shtetërore

Komisioni Parlamentar i medias nuk arriti sot të miratojë një kërkesë të socialistëve për ngritjen e një komisioni hetimor për kontrollin e shpërndarjes së reklamave shtetërore. Shkak është mungesa e kuorumit pasi deputetët e mazhorancës nuk ishin të pranishëm në momentin e votimit.
Skandali me reklamat, PS: Ministria e Brendshme dha 4.5 milionë $ për mediat pranë qeverisë
PS: Ministria e Mbrojtjes dha 2,5 milionë $
TIRANE - Komisioni Parlamentar i medias nuk arriti sot të miratojë një kërkesë të socialistëve për ngritjen e një komisioni hetimor për kontrollin e shpërndarjes së reklamave shtetërore. Shkak është mungesa e kuorumit pasi deputetët e mazhorancës nuk ishin të pranishëm në momentin e votimit. Shpërndarja preferenciale e reklamave është bërë shkak debatesh sot në mbledhjen e komisionit.

Mazhoranca në Komisionin e Medias refuzoi një kërkesë të opozitës për ngritjen e një komisioni hetimor për kontrollin e shpërndarjes së reklamave shtetërore. Në kohën që kryetarja e Komisionit Parlamentar të medias, Valentina Leskaj propozoi këtë kërkesë të paraqitur nga deputeti socialist Alfred Dalipi, deputetët e mazhorancës u larguan nga komisioni.

Në kërkesën e tij deputeti socialist Alfred Dalipi tha se duhen bërë publike të gjitha procedurat për shpërndarjen e reklamave në mediat shqiptare.

Kryetarja e Komisionit Valentina Leskaj, tha se shpërndarja e reklamave ndikon direkt në lirinë e medias."Kur mediat vihen në mënyrë të pabarabartë në treg, cënohet pra liria e medias", u shpreh deputetja socialiste.

Demokratët në Komision thanë se nuk është detyrë e Komisionit të hetojë nëse ka shkelje ose jo, operatorët mediatike sipas tij duhet t’i drejtohen organeve të caktuara.

Votimi për ngritjen e Komisionit Hetimor për kontrollin e procedurave të shpërndarjes së reklamave shtetërore dështoi në Komisionin e Medias për shkak të mosarritjes së kuorumit.

Kohët e fundit opozita po denoncon me fakte atë që ajo e cilëson skandal në shpërndarjen e reklamave shtetërore. Socialistët faktojnë sipas tyre se rreth 17 milion euro u janë shpërndarë në formë reklamash mediave pro qeveritare.

(ns/Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

Mashtrues pas telefonit po vjedhin llogaritë e qytetarëve, Shoqata e Bankave: Kujdes, mos jepni të dhënat

16 Janar, 20:45 nga Eliza Gjediku