Komisioni i reformës zgjedhore, Bardhi: Grupimit të Bashës t’i jepet mundësia të ketë një anëtar

Grupimi i deputetëve të Gazment Bardhit dhe Sali Berishës janë të qëndrimit se përbërja e anëtarëve të komisionit të Reformës Zgjedhore duhet të ndryshojë.

Në mbledhjen me dyer të mbyllura Gazment Bardhi ka propozuar se nëse duan ata të grupimit të Lulzim Bashës, i vendosim 1 anëtar në përbërjen e re të Komisionit të Reformës Zgjedhore.

‘Do duhet të dalim me një vendim për sjelljen që ne do duhet të kemi në seancën e nesërme dhe tek Komisioni i Reformës Zgjedhore të premten. Unë bashkë me disa deputetë mungoj për shkak të përjashtimeve. Për reformën zgjedhore jemi mbledhur në një qëndrim 47 deputetë nga 55 që ka opozita në total. Mendoj se ne nuk duhet ta negociojmë bashkëkryetarin e reformës, por do duhet që grupimit tjetër t’i jepet mundësia e një anëtari. Duhet të lëshojmë në këtë pikë.’- ka thënë Bardhi.

Lajmi kryesor:

Zbardhet mbledhja me dyer të mbyllura e grupit Bardhi-Berisha, Gjekmarkaj: Kështu nuk vazhdohet më! Edhe Salianji kundër kaosit

M.Q./Shqiptarja.com

TAG:
• PD
• gazment bardhi
• agron gjekmarkaj
• ervin salianji
• sali berisha
• Albana Vokshi