Zbardhet mbledhja me dyer të mbyllura e grupit Bardhi-Berisha, Gjekmarkaj: Kështu nuk vazhdohet më! Edhe Salianji kundër kaosit

Që prej vjeshtës së vitit të kaluar grupimi i deputetëve të Sali Berishës dhe Gazment Bardhit janë bashkuar aksionin kundër mazhorancës socialiste, duke krijuar kaos në Kuvend në mënyrë që mos të lejojnë zhvillimin normal të seancave plenare.

Kaosi do shfaqet edhe këtë të enjte ne parlament, por 24 orë para zbatimit të skenarit bllokues në seance plenare, mes demokratëve pati edhe zëra ndryshe. I pari ishte Agron Gjekmarkaj i cili kërkoi ne mbledhjen e grupit ndryshim kursi, radikalizim ose kthim në normalitet.

'Ky qëndrim opozitar ka pasur një rëndësi themelore për opozitën, pasi pas 2 vitesh, nuk luftuam më me njëri-tjetrin, por u përballem me qeverinë. Opinioni publik konfirmon se ne kishim të drejtë për kërkesat tona, të drejtat kushtetuese, mosndërhyrjen në punët e brendshme të PD, për komisionet hetimore parlamentare. Në të njëjtën kohë, kur kemi hyrë në muajin e katërt, kur edhe reagimi i faktorit ndërkombëtar është i vakët, po shoh që kryeministri po luan nga pozitat e forcës dhe nuk ka ndërmend të lëshoj, qofsha i gabuar nga mungesa e eksperiencës, madje po mendoj se atij i intereson të jemi pa zë dhe pa figurë, mos të artikulojmë asgjë, pra të jemi në barrikadën e protestës dhe jo në tribunën e fjalës. Kjo sepse ai (Rama) e ka më të lehtë të përballet nëpërmjet kësisoj sesa ndërmjet debatit intensiv. Ai vazhdon e qeveris dhe ecën me axhenden e vet ne rrimë vendnumëro.

LEXO EDHE:
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!

Në këtë pikë që jemi besoj se na duhet një diversifikim i aksionit, ku fuqia e protestës të alternohet me fuqinë e fjalës dhe ti japë prioritet i saj. Të funksionarit si “grup i gatshëm” duhet te kete një limit. Pra ato çështje që ne i kemi ngritur në emër të protestës, t’i kthejmë në tema, debate në parlament, të akuzojmë qeverinë pa fund për ketë autoritarizëm. Mesa e kam ndjekur unë linjën e kësaj partie, në këto 11 vite, ka pasur gjithmonë entuziazëm në fillimin e çdo  radikalizmi, por jo racionalizëm në daljen prej tij. Mua s’më pëlqen t’i referohem vetvetes, por javën e tretë kur kemi nisur aksionin, kur ka qenë edhe Sali Berisha këtu, ju kam thënë që rrezikojmë që të hyjmë në një fazë monotonie dhe me kalimin e kohës , do kthehet në dobësi  e jona dhe mbase rrezikojmë te humbasim edhe empatinë e shoqërisë.  Janë 2 probleme themelore, njëra anë është kauza e Berishës dhe tjetra opozita në protestë. Dhe të dyja mund të konsiderohen padrejtësi ndaj opozitës, dhe qeverisë i intereson të na lërë brënda kësaj kornize. Nëse mundemi ejani ta radikalizojmë, po realisht se di sa fuqi kemi për ta realizuar dhe mesa shoh e kemi te gjithë këtë dyshim te gjejmë mundësi te bëjmë fjalën efikase sa me shume e kudo.'- tha Gjekmarkaj.

Edhe deputeti Ervin Salianji ka kërkuar një diversifikim të aksionit parlamentar, duke propozuar edhe praninë në komisionet parlamentare.

“Duhet një diversifikim, duke gjetur forma dhe mënyra të tjera radikalizimin duhet ta prodhojmë dhe me forma të tjera, me njerëzit. Ne nuk duhet të mbetemi peng vetëm i kësaj çështjeje, por duhet të diskutojmë për të gjitha temat e tjera që shqëtësojnë shoqërinë”, theksoi ai.

Megjithatë në fund të mbledhjes së grupit të deputetëve, Gazment Bardhi paralajmëroi një përsëritje të skenarit dhunës në mbledhjen e kaluar në 19 janar, e cila u bllokua nga deputetët e grupit të tij dhe të Rithemelimin me pretendimin se nuk ishin përfaqësuar në komisionin bipartizan për 'Zgjedhoren'.

Mësohet se nga fundi i mbledhjes tre deputetë janë larguar nga mbledhja pasi deputeti Tritan Shehu ngriti shqetësimin se pse dalin informacionet nga mbledhja. Menjëherë pas kësaj deklarate, Helidon Bushati, Agron Gjekmarkaj dhe Dashnor Sula u larguan nga mbledhja duke deklaruar me batutë. 

"Tritan unë po çohem që mos kem asnjë peng, që ta dish që s’ta kam nxjerrë unë. Pra po pastrohem' ka thënë Helidon Bushati dhe ikën nga mbledhja 

 "Po iki edhe unë Tritan, një spiun më pak këtu, që unë të mos akuzohem' mësohet se është shprehur Agron Gjekmarkaj

Rendit zhvillimet sipas orarit:

Të Fundit Të Parat

M.Q./S.G/Shqiptarja.com

TAG:
• PD
• gazment bardhi
• agron gjekmarkaj
• ervin salianji
• sali berisha
• Albana Vokshi