Komisioni i Reformës Zgjedhore, Rama: Nëse s'ka vullnet për konsensus bëjmë dhe pa bipartizanizëm! Bardhi: Mendësi antidemokratike

Kryeministri Edi Rama u shpreh sot se për reformat për të cilat kërkohen 84 vota në Parlament, do të synohet arritja e konsensusit me opozitën, por nëse kjo e fundit nuk ka vullnet do të kërkohen mënyra të tjera, siç ndodh në Europë. Shembull solli dhe komisionin e Reformës Zgjedhore. 

“Po ka një afat komisioni, do mbarojë afati i komisionit dhe do bëjmë edhe pa komision. Se komisioni është një komision që vjen si rezultat i një tradite të krijuar bipartizane. Komisioni nuk është një normë ndërkombëtare, nuk është as dhe një normë europiane. Parlamente të tjera dhe po ju marr vetëm dy parlamente të Bashkimit Europian në anën tjetër të detit dhe në jug të vendit, nuk ngrenë komisione parlamentare dhe nuk i kanë dhënë vetes detyrimin që o të bjeri dakord gjithë parlamenti o nuk bëhet reformën zgjedhore. I bëjnë reformat zgjedhore me votat që kanë aty, kur i kanë, kur nuk i kanë nuk i bëjnë. Kjo është edhe këtu. Kanë ndryshuar kohët! Një komision bipartizan me një partizan dhe me shtatë ballistë nuk e bën dot, duhet të kesh dy partizan, si kemi më, kemi një partizan, një parti këtej kemi dhe 7 ballistë nga krahu tjetër tani, si ta bëjmë këtë gjë?”- tha Rama.

Në përgjigje të Ramës ka reaguar Gazment Bardhi i cili shprehet se kryeministri nuk ka interes të bëjë asnjë reformë që i shërben qytetarëve. Sipas tij beteja e opozitës në Kuvend është e drejtë dhe se Shqipëria ka nevojë për një Reformë Zgjedhore reale.

Rendit zhvillimet sipas orarit:

Të Fundit Të Parat

S.G/B.K/Shqiptarja.com

TAG:
• gazment bardhi
• reforma zgjedhore
• edi rama