‘Komisioni për Dezinformimin’, Bardhi: Çështje sensitive, të shtyhet! Qartësoni iniciativën

Gazment Bardhi ka kërkuar shtyrjen e kërkesës së PS-së për ngritjen e Komisionit të Posaçëm për Dezinformimin.

‘Kjo çështje është sensitive dhe duhet të trajtohet me kujdes të veçantë. Ne bashkëndajmë shqetësimin për ndërhyrjet e shteteve të treta jo partnere nëpërmjet të gjitha formave. Mirëpo, do duhet që ju të qartësoni iniciativën, të na informoni ne dhe gjithë publiku mbi çfarë do të bëjë dhe për çfarë po kërkohet.

LEXO EDHE:
Amnistia, Agalliu: U liruan 100 të dënuar nga GJKKO! Deputeti sulmon Bardhin: Pitkin bëhu burrë, prano që amnistove të korruptuarit

Flisni për marrëveshje ndërkombëtare, marrëveshje me SHBA, dhe ne nuk dimë asgjë për atë marrëveshje pasi nuk na e keni vënë në dispozicion, edhe pse Kushtetuta e detyron qeverinë të na vendos në dijeni. Këto çështje që pretendohen të trajtohen në ketë komision të posaçëm mund të trajtohen fare mire ne komisionet respektive, Komisionin e Medias apo Komisionin e Sigurisë. Pse nuk mund të trajtohen aty? Do duhet të hiqet çdo dileme për ndërhyrje në lirinë e medias. Nëse nuk është ky qëllimi i fshehur, duhet të marrin kohën e nevojshme dhe mos e trajtojmë si një temë për konsum ditor.

Ka një Rezolutë të Kuvendit në 2019, e miratuat dhe e harruat. E trajtuat si temë dite dhe aq. Aty përcaktohet detyrimi që institucionet e sigurisë të sjellin raport në Kuvend, gjë që nuk e kanë bërë. Duhet të konsuktohemi me shoqatat e medias, që qartësohet objekti dhe motivet, çfarë do të trajtojë dhe pse duhet.’- tha Bardhi.

Lajmi kryesor:

PS voton ngritjen e Komisionit për 'Dezinformimin'! Opozita: Po bëhet për të zhvendosur vëmendje nga aferat e qeverisë! Çuçi: Jeni me paranoja

M.Q./Shqiptarja.com

TAG:
• komision per dezinformimin
• Bledi Cuci
• gazment bardhi
• konferenca e kryetareve