Komiteti Ekzekutiv i FSHF-së miraton kredinë 1 mln euro, gati dy paketat për ti ardhur në ndihmë futbollit

Nëpërmjet një video-konference, Komiteti Ekzekutiv i FSHF-së miratoi sot planin për ti ardhur në ndihmë futbollit në Shqipëri si pasojë e krizës financiare që ka pushtuar këtë sektor si rrjedhojë e koronavirusit. Pas refuzimit të qeverisë për të përfshirë futbollin në paketën e ndihmës FSHF ka menduar të marrë një kredi me garanci sovrane të shtetit shifrën e 1 milion eurove.

Kjo shumë do të do të shpërndahet në dy muaj. Bëhet fjalë për marsin dhe prillin. Konkretisht paratë do të jenë për futbollistët e çdo kategorie dhe trajnerët, ndërsa shuma që do të marrë gjithsecili është e afërt me 30 mijë lek të reja.

Një premtim të tillë e bëri pak ditë më parë presidenti i federatës Armando Duka, i cili u shpreh se nuk do ta linte në baltë futbollin. Burime të Report Tv në federatën shqiptare të futbollit bëjnë me dije gjithashtu se shpërndarja e këtyre pagave do të nisë në harkun kohor të 10 ditëve. Sakaq, mësohet se kjo do të jetë paketa e parë e ndihmës, pasi në rast se situata e pandemisë nuk ndryshon do të ketë një tjetër paketë.

Me siguri për futbollistët e Superligës ndihma me 30 mijë lek të reja nuk është një shifër aspak e konsiderueshme, por në kategoritë e tjera të futbollit tonë kjo është jetike, pasi shumë lojtarë e kanë mundësinë e vetme për të siguaruar jetesën e tyre dhe të familjeve, pasi rrogat janë të ulta.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pulat e Dukes: 08/04/2020 01:46

    I gjeten parate tani hajdutet Duka dhe Dervishi per futbollin.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët

Gazetari Xhunga: Berisha nuk zbret nga kati i 8-të, Rithemelimi më i izoluar se talebanët