Agjencia e Trajtimit të Pronave u ka kërkuar ish-pronarëve që nuk kanë dorëzuar dosjet e aplikimit, të paraqesin dokumentat për të marrë kompensimin. Janë 370 ish pronarë, për të cilët gazeta publikon emrat sot, por edhe më shumë se 2 mijë të tjerë që duhet të aplikojnë.
Atp thotë se një pjesë e ish-pronarëve tashmë kanë filluar të dorëzojnë dosjet, por ende mbetet i lartë numri i atyre që nuk kanë aplikuar dhe për pasojë nuk mund të përfitojnë kompensimin financiar apo fizik.
Dokumentet
Subjekti apo përfaqësuesi me prokurë i tij, per te aplikuar duhet te paraqesin dokumentacionin e mëposhtëm:
-Kërkesën për kompensim sipas formatit tip, e cila plotesohet ne ATP.
- Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil.
- Prokurën e posaçme, të nënshkruar nga të gjitha subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare, në emër të tyre.
-Vërtetimin e lëshuar nga banka e nivelit të dytë për hapjen e llogarisë bankare në emër dhe për llogari të subjektit përfitues, ku përcaktohet edhe numri i llogarisë bankare ku do të transferohet vlera financiare e përfituar. Mandatpagesën, që vërteton pagimin e tarifës së shërbimit dhe dokument identifikimi.
Procedurat
“Për përcaktimin e procedurave tëshpërndarjes së fondit të kompensimit në vlerë për pronarët e pasurive të paluajtshme, pronë private që preken nga ndërtimet informale”, i ndryshuar, subjektet perfitues mund te paraqesin kërkesë individuale apo të përbashkët, për pjesën takuese në pronën që kompensohet.
Nëse kërkesa paraqitet nga një pjesë e bashkëpronarëve, ajo shoqërohet nga prokura e posacme e nënshkruar prej tyre, ku si tagër i nevojshëm të jetë edhe e drejta për të tërhequr vlerën financiare, në emër të tyre. Në rastin e kërkesave individuale të secilit bashkëpronarë apo të një pjese të tyre, për çdo aplikim të kryer, paguhet tarifë shërbimi, pavarësisht se i përket të njëjtës pasuri të paluajtshme”.
Klikoni, dokumenti me listën e plotë me emrat
