TIRANE- Të gjithë pensionistët, personat që marrin ndihmë ekonomike, familjet që kanë në përbërje, invalidë, të verbër dhe të gjithë punonjësit me pagë nën 35 mijë lekë, marrin kompensim të energjisë elektrike në masën 648 lekë. Në një prononcim për “Shqiptarja.com”, Ali Emini, zëvendësdrejtor i Institutit të Sigurimeve Shoqërore ka shpjeguar procedurën se si mund të përfitohet ky kompensim. “Ka patur një vendim qeverie ku disa kategori përfitonin kompensim në masën 648 lekë. Çdo pensionistë, apo persona të tjerë që përfitojnë nga ky vendim, mund të marrin kompensim 648 lekë nëse dorëzojnë dokumentat pranë zyrave lokale të ISSH-s.