TIRANE- Një nga ekspertët e çështjes së pronave njëokohësisht drejtues i “Pronësi me Drejtësi” Agim Toro e cilëson projektligjin për kthimin dhe kompensimin e pronave të papranueshëm. Sipas tij, po kërkohet që pronarët të paguajnë për shtetin, ndërsa sipërfaqja e tokës do të vlerësohet me çmime qesharake. Madje Toro shprehet se në draftin e paraqitur nuk ka asnjë nen për të sqaruar çështjen e kthimit të tokës, duke shkelur Kushtetutën.
 
Z. Toro përshëndetje, tashmë është bërë një propozim i ri për Kthimin dhe Kompensimin e Pronave, ku parashikohet ngritja e një Agjencie të Trajtimit të Pronës. Si e shikoni këtë propozim?
Agjensia e Trajtimit të Pronës nuk ka asgjë të përbashkët me Agjensinë e Kthimit dhe Kompensimit të Pronave. Në projekt – ligj mungon tërësisht kthimi i pronës, por quhet kompensimi i pronës. Për të qeshur dhe për të qarë. Agjencia e Trajtimit të Pronës merr atribute të Qeverisë edhe më lart, sepse harton vetë ligjin dhe rregullat.