Kompleksi “Rama” brenda PD, si e adhurojnë atë që shajnë gjithë ditën

Kompleksi “Rama” brenda PD, si e adhurojnë atë që shajnë gjithë ditën

Seanca ne Kuvend 8 shkurt 2024

Seanca e sotme parlamentare, përveçse zallamahisë që shkakton grupimi i Berishës, nxorri sërish në dritë problemin madhor brenda PD-së.

Ai që në pamje të parë duket si një problem i thjeshtë, luftë grupimesh brenda të djathtëve, në fakt, është më i thellë se sa kaq. Problemi gjendet te kompleksi tashmë i pakontrollueshëm prej të gjitha palëve në PD, me emrin e Edi Ramës.

Pak pas seancës, Lulzim Basha deklaroi se deputetët demokratë në krahun e Berishës, i japin ushqim vetëm Edi Ramës. Në krahun tjetër, në grindjen e tij të përhershme me Bashën, Gazmend Bardhi deklaron se ish bashkëpunëtori i tij është një vegël në duart e Ramës.

Pra edhe pse gjithmonë e kanë me njëri tjetrin, Rama është përherë kryefjala e kacafytjes së tyre. E gjithë politika e tyre, përfshirë edhe ajo më banalja, rrotullohet e vërtitet rreth Ramës, me çdo kusht.

Gati gati, Edi Rama mbetet e vetmja pikë reference për politikën e tyre, qoftë kur duan të denigrojnë njëri tjetrin, qoftë kur pretendojnë se po ngrihen në nivelin e politikbërjes serioze.

Bardhi me Bashën, a Basha me Bardhin, midis të dyve dhe njerëzve që ndjekin pas secilin, është gjithmonë Edi Rama, njeriu që përpiqen ta shajnë, por në fakt tregojnë se e adhurojnë.

Të marrurit e tyre me Edi Ramën më shumë se sa me veten dhe hallin që kanë, është shenjë e një kompleksi të pafshehur tanimë, ku ushqehet dhe rritet xhelozia për kundërshtarin politik./ Lexo.al/

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Fëmijët vrasin babain në Durrës, a është në krizë familja shqiptare?



×

Lajmi i fundit

Tre ditë festë në Shkodër, magjia e karnavaleve mbledh qindra qytetarë! Paradë me maska veneciane dhe kostume shumëngjyrëshe paradë në rrugët e qytetit

Tre ditë festë në Shkodër, magjia e karnavaleve mbledh qindra qytetarë! Paradë me maska veneciane dhe kostume shumëngjyrëshe paradë në rrugët e qytetit