SPAK lëshon 15 masa sigurie për investigimin e inceneratorit të Tiranës, Report Tv zbardh ekskluzivisht emrat

TIRANË- Prokuroria e Posaçme ka lëshuar sot (8 dhjetor) 15 udhër-arreste në vazhdim të hetimit të nisur që në 2020 për Inceneratorin e Tiranës. Disa prej urdhërarresteve të lëshuara nga SPAK janë ekzekutuar dhe disa janë ende në kërkim, ndërsa operacioni është në vazhdim. Report Tv mëson se masa 'arrest me burg' është lëshuar për Lefter Kokën, i dënuar nga GJKKO, Alqi Bllakon, po ashtu i dënuar, të dy në burg; Mirel Mërtiri e Klodian Zoto, që të dy në kërkim ndërkombëtar, për inceneratorët e Fierit dhe Elbasanit.

Urdhër arrest me burg është lëshuar edhe për Taulant Tushën, drejtor i Infrastrukturës në Bashkinë e Tiranës, i vetëdorëzuar në polici, Erjon Muratajn, Bledar Karolin, Namik Simixhiu, Jetmir Llapaj dhe Pëllumb Abeshin.

Hetimet për inceneratorin e Tiranës kanë nisur në kuadër të procedimit penal nr.255 të vitit 2020, për veprat penale të “Mashtrim me pasoja të rënda”  në bashkëpunim, “Shpërdorim i  detyrës”, “Korrupsion pasiv i funksionarëve të lartë shtetërorë ose të zgjedhurve vendorë dhe "pastrimi i produkteve të veprës penale apo i veprimtarisë kriminale". 

LEXO EDHE:
Përballet në derbi si ish, Orges Shehi i Partizanit: S'ka rol të madh, më të rëndësishëm lojtarët që e nisin nga stoli

Kujtojmë së më 1 gusht, Gjykata e Posaçme me kërkesë të SPAK firmosi vendosjen e sekuestros preventive ndaj kompanisë “Integrated Energy B.V. S.P.V.” sh.p.k”, që është kompania koncesionare e inceneratorit të Tiranës si dhe të gjitha pasuritë e luajtshme dhe të paluajtshme të kësaj kompanie.

Sakaq më 25 shtator u dha vendimi për inceneratorin e Fierit. Ish-ministri i Mjedisit Lefter Koka do të vuajë 6 vite e 8 muaj burg, ndërkohë ish-sekretari i Përgjithshëm në Ministrinë e Mjedisit Alqi Bllako do të vuajë 2 vite e 8 muaj burg për aferën e inceneratorit të Fierit. Ndërsa për inceneratorin e Elbasanit, GJKKO tha vendimin më 5 tetor, duke dënuar ish-ministrin e Mjedisit Lefter Koka me 5 vjet e 8 muaj burg për korrupsion e shpërdorim detyre.

TAG:
• klodian zoto
• Mirel Mertiri
• Alqi Bllako
• spak
• Tirane
• inceneratori i tiranes
• lefter koka
• taulant tushe

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.5%

• Keq

  61.9%

• Nuk e di

  13.6%

Vota total: 2653

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di