POP 5

Lajmet më të lexuara të 5 minutave të fundit

Kronikë

Gati 12 fletë-thirrjet për sterilizimin! SPAK 'mbingarkohet' me dosje për korrupsion policësh me 1000 lekë

12 persona pritet të pyeten nga SPAK në lidhje me kontratën koncesionare të sterilizimit të kallëzuar nga nisma Thurje 10 ditë më parë. Pas caktimit të dy prokurorëve kanë nisur veprimet konkrete mbi këtë kallëzim dhe së pari do të pyeten ata që kanë firmosur për këtë shërbim kaluar koncesionarit.

TIRANË - Prokuroria e Posaçme Kundër Krimit të Organizuar dhe Korrupsionit identifikon 12 personat që nga e hëna 20 janarit do të pyeten në lidhje me kontratën koncesionare të sterilizimit, kontratë e denoncuar në SPAK nga nisma "Thurje".

Burime nga SPAK bënë me dije për Report Tv se pas regjistrimit të këtij kallëzimi janë caktuar dy prokurorë të Njësisë së Korrupsionit në SPAK dhe kanë nisur veprimet konkrete.

Të njëjta burime sqaruan se fillimisht do të pyeten personat e kallëzuar nga nisma "Thurje", ata që kanë firmosur kontratën Partneritet-Publik-Privat si dhe përfaqësuesit e kompanisë private përfituese e këtij partneriteti.

Më 23 dhjetor nisma "Thurje" depozitoi në SPAK kallëzimin e parë me anë të së cilit kërkoi hetimin e ish-zyrtarëve të lartë pasi sipas tyre padrejtësisht një shërbim publik me kosto të ulët i ishte kaluar një kompanie private duke harxhuar më shumë para nga buxheti i shtetit.

Ndalur në një bilanc të punës së SPAK dhe gjykatës së Posaçme Kundër Krimit dhe Korrupsionit, ReportTv ka siguruar shifra se prej 26 dhjetorit 2019 deri më 16 Janar 2020 janë 22 persona të arrestuar për korrupsion.

Por paradoksalisht, kur pritshmëritë e publikut ndaj SPAK e GJKKO janë mjaft të larta për të ndëshkuar të konsideruarit të paprekshmit, rezulton se 22 të arrestuarit janë qytetarë të cilët kanë tentuar të korruptojnë policët rrugorë me vlera nga 1000 deri në 5000 mijë lekë.

Jashtë kamerave prokurorët e SPAK pranuan se ky është një paradoks i ligjit por ata janë të detyruar të kryejnë këto masa e hetime dhe pse normalisht do duhej gjithçka të kryhejë nga prokuroritë dhe gjykatat e rretheve.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ptuari korru: 16/01/2020 16:26

    Po kështu pra ka lezet, SPAK duhet të merret me policë të korruptuar me dymileksha që ndryshe quhet "Të paprekshëm" dhe të na lej rehat qeveritare presidentë politikanë gjyqtarë e prokurorë se janë të pafajshëm, më besoni. Lejini të punojnë në paqe të shkretët se për ne po mundohen.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako