Konferenca e donatorëve për Ukrainën në Varshavë, Zelensky: Kemi nevojë për mbështetje financiare dhe armatime! Të përshpejtohen procedurat që të anëtarësohemi në BE

Në konferencën e donatorëve në Varshavë, Presidenti Ukrainas ka kërkuar mbështetje financiare dhe armatime. Nëpërmjet një lidhje live, Zelensky tha se Ukraina do të rindërtohet, por për këtë duhen investime të shpejta dhe efikase. Po ashtu Zelensky ka kërkuar edhe përshpejtimin e negociatave për anëtarësimin e Ukrainës në BE.

"Liria duhet të fitojë dhe kjo konferencë është shumë e rëndësishme për ne. Kemi nevojë për mbështetje financiare. Po ashtu kemi nevojë edhe për armatime, por më pas edhe  një mbështetje në aspektin humanitar. Do të jetë një lloj plani Marshall, një plan historik. Çdo gjë që është shkatërruar nga lufta do të ndërtohet nga e para. Duhen investime të shpejta, por edhe efikase, në mënyrë që të gjithë ata që janë larguar për shkak të luftës, të kenë mundësi të kthehen në shtëpitë e tyre. Kërkohen investime shumë të mëdha. Ukraina duhet të ecë shpejt në rrugën në anëtarësimin në BE. Ne kërkojmë të përshpejtohen procedurat që Ukraina të bëhet anëtare e BE. Një unifikim do jetë një përgjigje edhe më e ashpër ndaj Rusisë. Ne jemi gati për këtë hap dhe jam i bindur që pjesa më e madhe prej jush e kuptoni këtë", tha ai.

LEXO EDHE:
Lufta në Ukrainë/ SHBA akuzon Rusinë për përdorimin e armëve kimike, Moska e mohon

Lajmi kryesor:

Konferenca e Donatorëve mbledh 6 miliardë euro për Ukrainën, Shqipëria jep 1 mln euro! Rama: Dhamë ndihmë ushtarake! Zelensky: Do ringrihemi, liria duhet të fitojë

TAG:
• rusia sulmon ukrainen
• varshave
• poloni
• Suedi
• edi rama
• Rusi
• ukraine