POP 5

Lajmet më të lexuara të 5 minutave të fundit

Media

Konferenca e medias, Sequi:
Media të jetë e hapur e pluraliste

Gazetaria shqiptare ka sjellë në vëmendje aktivitetin e saj në 100 vitet e krijimit të shtetit, duke prezantuar zhvillimin dhe problematikën që has sot ajo. Përfaqësues të medias në vendin tonë kanë zhvilluar një konferencë, e cila është organizuar në Shëngjin nga Unioni i Gazetareve. Ambasadori i BE-së, Ettore Sequi evidentoi disa probleme që hasen tek liria e shtypit.
Konferenca e medias, Sequi: <br />Media të jetë e hapur e pluraliste
LEZHE - Gazetaria shqiptare ka sjellë në vëmendje aktivitetin e saj në 100 vitet e krijimit të shtetit, duke prezantuar zhvillimin dhe problematikën që has sot ajo. Përfaqësues të medias në vendin tonë kanë zhvilluar një konferencë, e cila është organizuar në Shëngjin nga Unioni i Gazetareve.

Të pranishëm kanë qenë edhe ambasadori i BE-së në vendin tonë Ettore Sequi dhe zëvendësambasadori i OSBE-së Dan Redford.

Përzgjedhja e Shëngjinit për një aktivitet mbarëkombëtar i referohet pikërisht figurave të dala nga Lezha dhe që kanë orientuar gazetarinë në hapat e arritur deri më tani.

Ambasadori i BE-së, Ettore Sequi në fjalën e tij ka evidentuar disa probleme që hasen tek liria e shtypit, tek presionet ndaj media, deri tek shpifjet që mbetet një shqetësim i madh, gjë që mund t’i çojë gazetarët në penalizime me gjoba shumë të larta.

“Gazetaria lë shenja në historinë e një vendi dhe ngjarje të medha janë ngulitur në kujtesën tonë pikërisht prej jush. Thuhet që liria e shtypit garantohet nga ata që e kanë në pronësi shtypin, pra ajo që duhet të them është se ka një shqetësim gjithnjë e më të madh në pavarësinë e punës tuaj.
Presionet e ndryshme të kohës mund t’ju çojnë që të bëni keqraportime të realitetit, pasi ata që kanë pronësinë e medias ju bëjnë që të krijoni një realitet ndryshe. Në raport-progresin e vitit 2012 ne folën qartë se trysnia ekonomike e medias është shtuar gjithnjë e më tej duke çuar kështu në ndikime që kanë të bëjnë me kushte të brishta të punës në gazetari. Kemi thënë që nuk ka ende një ent vetërregullues dhe kapaciteti i sindikatave të gazetarëve mbetet i dobët. Shpifja mbetet ende një shqetësim dhe kjo gjë mund t’i cojë gazetarët në penalizim me gjoba shumë të larta”, u shpreh Sequi.

Sipas ambasadorit Sequi liria e shtypit është një hallkë tepër e rëndësishme që duhet të përmbushë Shqipëria për të qenë pjesë e familjes së madhe europiane dhe do të monitorojmë nga afër dhe në mënyrë të vazhdueshme zhvillimet në këtë fushë.

“Ne i konsiderojnë gazetarët si ndër më të rëndësishmit përsa u përket reformave që duhen bërë në këtë vend. Përsa i përket çështjes së anëtarësimit të Shqipërisë në BE, ne kemi folur qartë duke thënë se duhen marrë masa që liria e të shprehurit dhe liria e medias të jenë komponentë kyç. Ne jemi të vendosur që të gjitha vendet që dëshirojnë të bëhen pjesë e Bashkimit Europian duhet të lejojnë që mediat të jenë të hapura dhe pluraliste, pra të lejojnë kulturën e një gazetarie kritike dhe të pavarur", përfundoi ambasadori Sequi.

Në aktivitetin e organizuar me gazetarët në 100-vjetorin e Pavarsisë së vendit janë prezantuar edhe memorie të gazetarëve që kanë bërë histori në vendin tonë, ku vlerësohet roli i medias në fillimet e viteve ‘91 dhe hovi i saj zhvillues gjatë kësaj periudhe për të ardhur deri sot në një media tërësisht bashkëkohore.

(eç/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lezhë, shtëpia muze e ‘Mlikjave’ rrezikon që të shembet

Lezhë, shtëpia muze e ‘Mlikjave’ rrezikon që të shembet

24 Nëntor, 18:30