Konferenca Mesdhetare e OSBE-së, Cakaj: Të krijojmë një Partneritet Mesdhetar

Konferenca Mesdhetare e OSBE-së, Cakaj: Të krijojmë një Partneritet Mesdhetar

“Shqipëria synon sot të dërgojë një mesazh të qartë miqësie për të gjithë partnerët tanë të Detit Mesdhe”. Kështu ka deklaruar sot Ministri në Detyrë për Evropën dhe Punët e Jashtme, Gent Cakaj  në nisje të punimeve të Konferencës Mesdhetare të OSBE-së që ka ngritur siparin në Tiranë.

Ndër të tjera gjatë fjalës së tij në këtë konferencë inistri Cakaj theksoi se është përvoja 25 vjeçare e partneritetit të OSBE-së me vendet e Mesdheut, duke u ndalur në rëndësinë e dialogut, përballimin e sfidave të përbashkëta dhe identifikimin e mundësive për bashkëpunim.

Qëllimi ynë këtë vit, si dhe gjatë kryesisë sonë në përgjithësi, është ta mbajmë lart Mesdheun në axhendën e OSBE dhe t’i japim atij vëmendjen që meriton”, u shpreh ministri Cakaj. Ai shprehu besimin se synimi është shfrytëzimi i mundësive për të shkruar një kapitull tjetër të bashkëpunimit mesdhetar.

 “Ne jemi partnerë me sfida të përbashkëta, prandaj, nuk kemi alternativë tjetër përveç se të ndërtojmë një vizion të përbashkët. Ne dëshirojmë të krijojmë një Partneritet Mesdhetar, i cili bazohet në parimet e përfshirjes më të thellë dhe përgjegjësive të përbashkëta”, theksoi ministri.

 Konferenca ka vijuar me kryesimin e Grupit të Kontaktit për Mesdheun nga Shqipëria, me pjesmarrjen e 57 vendeve anëtare si dhe vendeve mesdhetare, (Egjipti, Jordania, Izraeli, Algjeria, Maroku dhe Tunizia.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri