POP 5

Lajmet më të lexuara të 5 minutave të fundit

Sport

FSHF: Yjet e Shqipërisë, Italisë Greqisë dhe Turqisë miqësore në Air Albania për të prekurit nga tërmeti

Yjet e së shkuarës së kombëtares shqiptare, të Italisë, Greqisë dhe Turqisë, më 10 janar në Air Albania do të zhvillojnë ndeshje miqësore me qëllim bamirësinë.

Më 10 janar stadiumi i ri në kryeqytet, ‘Air Albania’, do të kthehet në një arenë për bamirësi. Ashtu siç ishte folur më parë, në këtë ditë, do të zhvillohen ndeshje mes yjeve historikë të kombëtareve të Shqipërisë, lojtarëve grekë që fituan Europianin në vitin 2004, Turqisë së vitit 2002 që arriti deri gjysmëfinale dhe lojtarëve të Italisë që në vitin 2006 fituan Botërorin. Të gjitha të ardhurat nga biletat e shitura do të shkojnë për të prekurit e tërmetit të 26 nëntorit.

Në këtë organizim të bërë nga Sindikata e Futbollistëve do të performojnë edhe artistë të muzikës shqiptare. Lajmin e ka konfirmuar edhe federata shqiptare e futbollit, e cila në faqen zyrtare shkruan:

“Yjet historikë të kombëtareve të Shqipërisë, Italisë, Greqisë dhe Turqisë do të zbresin në fushën e Air Albania Stadium në datë 10 janar. Ky festival i futbollit me emrat e njohur të katër kombëtarëve, siç janë Zambrota e Perrota, Kampionë të Botës në 2006, apo Hasan Şaş i cili ishte një nga liderat e Turqisë në Botërorin e vitit 2002 ku u renditën në vendin e tretë si dhe fqinjët grekë të cilin fituan Kampionatin Europian në vitin 2004 nën dirigjimin e Karagunis, synon krijimin e një tradite të tillë në futbollin shqiptar për të afruar sportadëshit me emrat e mëdhenj të futbollit tone dhe atij ndërkombëtar. Të gjithë të ardhurat e siguruara nga shitja e biletave të ndeshjes do të shkojnë për familjet e prekura nga tërmeti i 26 Nëntorit. Ky turne organizohet nga Sindikata e Futbollit me mbështetjen e plotë të Federatës Shqiptare të Futbollit.

Federata e Futbollit dhe Sindikata e Futbollistëve, fton të gjithë sportdashësit në këtë festival të paharrueshëm, ku do të performojnë në fushën e blertë emra të dashur, historikë dhe kampionë të futbollit, pa harruar edhe performancën artistike të emrave të mëdhenj të muzikës shqiptare. Le të bashkohemi në këtë turne për të dhënë sadopak ndihmesë për të prekurit. Ky projekt i përgjegjësisë sociale, vjen në vazhdën e aktiviteteve të pandërprera të Federatës së Futbollit, të stafit dhe djemve e vajzave të kombëtareve shqiptare për të ndihmuar dhe lehtësuar familjet e prekura nga tërmeti. Fokusi parësor ka qenë te fëmijët.

Federata e Fubollit është zotuar të ndërtojë të paktën tre shtëpi të rrënuara nga tërmeti, ose më shumë në varësi të fondeve të mbledhura. Ka nisur tashmë evidentimi i shtëpive."

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25