Konfiskimi i Hotel Colombo, ende asnjë ndërhyrje nga policia! Institucionet do presin nëse do të ketë apelim

 

Gjykata e Durrësit vendos pas dy vitesh konfiskimin e hotel “Colombo”-s, ndërsa policia ende nuk ka ndërhyrë që të ekzekutojë vendimin. Report Tv sjell pamjet ku shihet se aktiviteti tregtar vazhdon normalisht.

Pronarit Tuda i lind e drejta ta apelojë, ndaj do pritet se çdo të ndodhe me procesin ligjor. Prona me vlerë 1 milionë euro e Pëllumb alias Pali Tuda, hotel, bar-kafe dhe dyqane dhe hetimet ndaj tij kishin nisur para dy vitesh. Burimet thanë se Tuda është i lirë, hetimi ndaj tij është administrativ dhe jo penal.

Burime nga Agjencia e Administrimit të Pasurive të Sekuestruara dhe të Konfiskuara në Tiranë thonë për Report tv është përcaktuar administratorja që do të bëjë procedurat e konfiskimit dhe në terren, por ende nuk është ekzekutuar si vendim për çështje dokumentacioni. Sapo të përfundojnë procedurat ligjore do të njoftojnë pasi e kryejnë ata dhe jo policia e Durrësit apo ndonjë institucion tjetër.

Fillimisht prona bllokohet në hipotekë dhe më pasi i kalon Agjencisë Shtetërore të Administrimit të Pronave

Lajmi kryesor:

Të ardhura nga krimi, konfiskohet hotel ‘Colombo’ në Durrës, me vlerë 1 mln euro! Objekti në pronësi të Pali Tudës, i akuzuar për trafik droge e prostitucion

M.Q./Shqiptarja.com

TAG:
• pellumb tuda
• Durres
• gjykata e durresit
• hotel colombo