POP 5

Lajmet më të lexuara të 5 minutave të fundit

Kronikë

Mure të rrënuara dhe tavane të shembur, konflikti i pronësisë degradon Hanin e Gjelit në Korçë

Në qendër të Pazarit të Korçës, ndodhet një godinë e rrënuar! Është Hani i Gjelit i ndërtuar në shekullin e XIX, por që tashmë ka degraduar duke u kthyer në strehë për përdoruesit e drogës.

Hanet në Pazarin e Korçës janë pjesë e rëndësishme e këtij ansambli historik të trashëgimisë së kulturës sonë kombëtare. Në rrjedhën e historisë së këtij pazari mbahen mend rreth 16 hane, ndërsa sot ekzistojne fare pak prej tyre, disa të transformuara por ka edhe nga ato që po degradojnë dita ditës.

Kështu ndodh me Hanin e Gjelit, i cili para disa vitesh përfitoi nga investimi prej 5 milion dollarësh por sot është totalisht i degraduar.

Mure të rrënuara, tavane të shembur, dyer e dritare të hequra forcërisht. Godina e fundshekullit 19-të është kthyer në strehën e përdoruesve të drogës.

Administratorja e pazarit të Korçës, Magi Lena shprehet se një konflikt i pazgjidhur pronësie ndërmjet trashëgimtarëve ka çuar në degradimin  e objektit.

“E vetmja gjë që i është prekur këtij hani është fasada e jashtme. Ajo është rikonstruktuar si cdo fasadë tjetër e ndërtesave, në kohën që është bërë rigjallërimi i pazarit të vjetër dhe është rikthyer nmë gjëndjen e tij të tanishme. Por përtej kësaj, duke qenë se këto hane janë  ndërtesa që janë në pronësi private të disa personave nuk është se na lejohet të bëjmë ndryshime  apo ta prekim në brendësi të tij.

Nëse hyni në brendësi të Hanit të Gjelit do shikoni që ajo është  në gjëndje vërtet të mjeruar. Për fat të keq Edhe ne si shoqatë “Korça” nuk është se kemi shumë mundësi financiare për të ndërhyrë por edhe se ato janë prona private që ne nuk na lejohet të ndërhyjmë", thotë Magi Lena.

Banorët dhe bizneset në afërsi të Hanit të Gjelit shprehen se një pamje e tillë nuk i shkon Pazarit te Vjetër në Korcë, që vizitohet çdo vit nga mijëra turistë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

Rama në QSUT: Një grup kriminelësh në Onkologjik shkaktuan një situatë dramatike! Sot situata është më optimiste

24 Janar, 12:05