POP 5

Lajmet më të lexuara të 5 minutave të fundit

Shëndeti

Editorial

Kongresi i gjinekologëve,
problem lindjet e parakohshme

Parandalimi i lindjeve të parakohshme dhe mundësitë e reduktimit të vdekshmërisë foshnjore kanë mbledhur në kongresin e 7-të, mjekët më të mirë nga Shqipëria, Kosova, Mali i Zi dhe Maqedonia.
Kongresi i gjinekologëve,<br />problem lindjet e parakohshme
TIRANE- Parandalimi i lindjeve të parakohshme dhe mundësitë e reduktimit të vdekshmërisë foshnjore kanë mbledhur në kongresin e 7-të, mjekët më të mirë nga Shqipëria, Kosova, Mali i Zi dhe Maqedonia. Në qëndër të diskutimeve të këtij kongresi ka qënë shëndeti i nënës dhe fëmijës, megjithëse ashtu siç u theksua nga mjekët avancimi i teknologjisë ka çuar në parandalimin e fëmijëve handikapë.

“Kjo lidhet kryesisht me vlerësimin e hershëm për gruan dhe bebin e saj, diagnostikimin e hershem të anomalive fetale, si dhe masat parandaluese dhe trajtimin e kujdesshëm për të porsalindurit me peshë të vogël”, ka theksuar gjinekologu Orion Gliozheni. Problem për Gliozhenin vazhdojnë të jenë lindjet e parakohshme, çka rrisin rriskun e jetëgjatësisë së bebit. “Vdekshmëria tek të lindurit me peshë të ulët është rreth 40 herë më e lartë se ajo e fëmijëve të lindur në kohë”, theksoi doktor Gliozheni. Zv.Ministria e Shëndetësisë Milva Konomi, ka vlerësuar lehtësirat monetare të vendosura nga shteti në dispozicion të grave shtatzëna, siç janë ekot falas dhe analizat në periudhën e shtatzanisë.

“Tashmë në privat kemi metodat e fekondimit in vitro, gjë e cila do të bëhet e mundur edhe në sektorin publik dhe kjo është një nga arritjet që masa e shkencëtarëve në Shqipëri ka bërë”, ka deklaruar Ikonomi. Sipas zv/ministres prioritet për të ardhmen ngelet infrastruktura spitalore që do të vijë me investime bashkëkohore. Gjatë konferencës është diskutuar edhe mbi nivelin e informacionit mbi shtatëzaninë nga vajzat dhe gratë dhe trajtimin e këtyre çështjeve në media. Në diskutimin mbi këtë çështje dhe përballjen e publikut me këto informacione ka referuar gjatë konferencës gazetari Carlo Bollino.

“Çështjet e shëndëtësisë kanë gjithë interesin tonë në media. Kontributi që ne duhet të japim fillon nga një bashkëpunim reciprok, nga një shkëmbim informacioni më të ngushtë”, është shprehur Bollino. Sipas gazetarit, gruaja përveç rolit të rëndësishëm që gëzon në familje, shoqëri dhe ekonomi, duhet të respektohet edhe për kompetencat e veçanta që i ka caktuar Zoti. Konferenca do të zgjasë nga data 14 deri në 16 mars.

Shkrimi u publikua sot (15.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça