POP 5

Lajmet më të lexuara të 5 minutave të fundit

Kronikë

Koni: Kule dhe Hoxha krijuan kaos, KIZ-in s'e njoh, në 30 korrik s'ka zgjedhje në Universitetin e Tiranës, prokuroria të hetojë

Në Komisionin Institucional të Zgjedhjeve (KIZ) pranë UT-së dorëzuan kandidaturat për rektor Artan Hoxha, Mimoza Hafizi dhe Kozeta Sevrani.

TIRANE-Zgjedhjet në Universitetin e Tiranës janë futur në një spirale konflikti institucional, pasi rektori aktual Mynyr Koni nuk e njeh procesin, ndërsa i ka kërkuar prokurorisë së Tiranës për të hetuar. Në datë 30 qershor u mbyllën regjistrimet për kandidatët që garantojë për rektor të Universitetit të Tiranës dhe anëtarë të Senatit Akademik.

Në Komisionin Institucional të Zgjedhjeve (KIZ) pranë UT-së dorëzuan kandidaturat për rektor Artan Hoxha, Mimoza Hafizi dhe Kozeta Sevrani. Por këtë institucion, pra KIZ-in, Koni nuk e njeh, pasi sipas tij i ka përfunduar mandati. Ai thotë se shpalli aplikimet për anëtarë të Komisionit Institucional të Zgjedhjeve, por për shkak të mungesës së aplikimeve, ky komision nuk arriti të miratohet nga Senati Akademik.

Në këto kushte, thotë Koni "në Universitetin e Tiranës, nuk është miratuar Komisioni Institucional Zgjedhor (KIZ), sipas kërkesave të nenit 6 të Rregullores së Zgjedhjeve të UT, si e vetmja strukturë që ka përgjegjësi për administrimin e procesit zgjedhor në UT. Kjo do të thotë që në datën 30 korrik 2020, në Universitetin e Tiranës, nuk mund të zhvillohen zgjedhjet për autoritetet drejtuese dhe për anëtarë të Senatit Akademik të UT, në kushtet e pamundësisë të Senatit Akademik për të miratuar KIZ, dhe të kaosit dhe konfuzionit të shkaktuar nga 5( pesë) ish-personeli akademik i UT" thotë Koni.

Rektori i UT-së lëshon akuza edhe për Artan Hoxhën, që është njëri nga kandidatët për ta pasuar dhe Dhori Kulen. "Nga ana tjetër, 5(pesë) ish- personeli akademik i UT, të cilëve, sikurse jeni njoftuar dhe sqaruar edhe me komunikimet dhe deklaratat e mia të mëparshme, u janë ndërprerë marrëdhëniet e punës me UT që në datën 6 maj 2020, vazhdojnë të ndërmarrin veprime dhe të nxjerrin akte në funksion të procesit zgjedhor të UT. Këta ish-personel i UT, mbështeten hapur nga të gjithë drejtuesit aktualë të njësive kryesore (dekanët e fakulteteve) të UT, në veçanti nga z.Dh.Kule dhe z.A.Hoxha. Të gjithë këta persona, kanë krijuar një konfuzion dhe një kaos total në institucion dhe në rradhët e personelit akademik të UT. Pikërisht ky kaos dhe ky konfuzion, ka prodhuar edhe këtë situatë paligjshmërie në procesin zgjedhor në UT" thotë Koni.

( Kliko këtu ) Dokumenti i plotë Shkresa e Mynyr Konit për Besa Shahinin

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eri: 23/07/2020 22:50

    Prap me kete Konen do mereni? Njeri pa vlere qe shkateroi universitetin e Tiranes.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë

24 Nëntor, 08:37