POP 5

Lajmet më të lexuara të 5 minutave të fundit

Kronikë

I dënuar më parë për mashtrim! Ekonomisti bie sërish në pranga, në kërkim pronari i firmës

Policia ka vënë në pranga dy persona dhe ka shpallur në kërkim dy të tjerë, për falsifikimin e dokumenteve dhe kontrabandës me mallra për të cilat paguhet akcizë.

TIRANË- Policia ka vënë në pranga dy persona dhe ka shpallur në kërkim dy të tjerë, për falsifikimin e dokumenteve dhe kontrabandës me mallra për të cilat paguhet akcizë.

Të arrestuarit janë 25 vjeçari Romarjo Omeri dhe 33 vjeçari Leonard Runa, ekonomisti i firmës Nargjile, i dënuar më parë për krijimin e skemave mashtruese me qëllim përfitimin e Tvsh, të dy banues në Tiranë.

Si dhe u shpallën në kërkim administratori, pronari i subjektit Nargjile me iniciale S.J dhe menaxheri i firmës me iniciale A. D.

Arrestimi i tyre u bë pasi, në bashkëpunim me persona të tjerë të shpallur në kërkim kanë kryer veprat penale “Falsifikimi i dokumenteve”, “Falsifikimi i vulave, stampave dhe formularëve”, “Kontrabanda me mallra për të cilat paguhet akcizë”, “Tregtimi dhe transportim i mallrave që janë kontrabandë” dhe “Shkelja e të drejtave të pronësisë industriale”.

Në cilësinë e provës materiale u sekustruan 1 automjet, i marrë me qira nga një kompani private me qëllim kamoflimin e aktivitetit, 23 bidona dhe 4 fuçi me esencë për nargjile, 493 kova me stampa të ndryshme të mbushura me lëndën që përdoret për nargjilen, 1 peshore elektronike, 2 aparat celular dhe sende të tjera.

Këto produkte dyshohet se janë futur në Shqipëri kontrabandë, duke shmangur tërësisht regjimin dhe detyrimin doganor. Nëpërmjet kësaj veprimtarie të kundërligjshme, ata i janë shmangur detyrimeve doganore, duke konkurruar në mënyrë të paligjshme në tregun e brendshëm.

Materialet procedurale i kaluan Prokurorisë pranë Gjykatës së Shkallës së Parë, Tiranë, për veprime të mëtejshme.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59