Kontratë dhe numër i ri për Ozilin
do të mbetet në Arsenal

Mesut Ozil do të mbetet në Arsenal.

Mesfushori gjerman Mesut Ozil është i gatshëm të nënshkruajë kontratë të re me “Gunners”, përtej asaj të vlefshme deri në qershor të vitit 2018.  Kwshtu ka shkruar e përditshmja gjermane “Bild”.

Me marrëveshjen e re, Ozil do të bëhet futbollisti më i paguar në ekipin e menaxherit Arsene Wenger. Por, ish mesfushori i Real Madridit po ashtu do ta ndërrojë numrin e fanellës.

Ai do ta veshë fanellën me numrin më të famshëm në futboll, 10, i cili deri para këtij sezoni i takonte mesfushorit anglez Jack Wilshere, i huazuar në Bournemouth.

(d.b/Shqiptarja.com)