Kontrata për lobimin në SHBA, Luan Rama: Tymnajë për të zhvendosur vëmendjen nga droga 

Zv/kryetari i LSI, luan Rama e ka cilësuar tymnajë investigimin e revistës amerikane “Mother Jones” për lobimin e LSI në SHBA, përmes një kompanie të lidhur me një oligark rus. 

Gjatë një konference për shtyp, Rama u shpreh se kjo është tymnajë për të zhvendosur vëmendjen nga problemet e drogës.

Ka një reagim korrekt, shumë etik dhe profesional, me transparencë dhe përgjegjësi politike nga LSI. Transparenca dhe të gjithë veprimet tona konform ligjit janë deklaruar në KQZ, janë kryer me bankë, janë edhe tek website. 

LEXO EDHE:
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik

Çdo tymnajë që përpiqet vëmendjen nga halli i madh i qeverisë dhe i kryeministrit me krimin, me korrupsionin, me drogën, me papërgjegjshmërinë përball qytetarëve, me taksat dhe tarifat, jo vetëm për atë që ka të bëjë me atë që ka të bëjë me Rrugën e Kombit, por taksa dhe tarifa që kanë të bëjnë me të gjithë ekzistencën dhe ndjeshmërinë kombëtare të shqiptarëve, të cilët presin padyshim qeverisje që punon për ta, në këto kushte nuk ka vlerë të humbim kohë më atë që quhet Mother Jones.

Të mos humbim kohë me sajesa dhe gjëra pa vlerë. Sajesa apo Fake News, por të fokusohemi tek realiteti shqiptar. Ne jemi të hapur ndaj cilit do dhe përkëdo për të gjithë aktivitetin e LSI.

Luan Rama, zv/kryetar i LSI

Lëvizja Socialiste për Integrim, reagoi një ditë më parë, duke publikuar pyetjet dhe përgjigjet që janë këmbyer mes saj dhe gazetarëve të Mother Jones lidhur me investigimin e fundit të revistës prestigjioze amerikane, që ngre hije të forta dyshimi lidhur me një lobim të mundshëm rus në favor të Ilir Metës dhe të LSI në SHBA, të gnjashëm me atë që revista në fjalë kishte zbërthyer edhe për Partinë Demokratike.

LSI pretendon se përgjigjigjet e saj nuk janë publikuar nga revista amerikane, e cila sipas saj shpif, dhe të cilën LSI ka deklaruar se do ta hedhë në gjyq.

Në fakt, revista amerikane, në shkrimin e saj citon dokumente zyrtare të Departamentit Amerikan të Shtetit si dhe investigimit të bërë prej saj me gazetarë në terren në një kompani guackë në Qipro, që dyshohet se ka financuar lobimin e LSI në SHBA, nëpërmjet një oligarku rus.

TAG:
• kqz
• lobimi
• Luan Rama
• lobimi rus per pd
• Lobimi i LSI ne Uashington

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25%

• Keq

  61.4%

• Nuk e di

  13.6%

Vota total: 1959

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di