POP 5

Lajmet më të lexuara të 5 minutave të fundit

Sociale

Korça s'ka mjek kardiopediatër, prokuroria nis hetimet për vdekjen e 12-vjeçarit! Miokarditi akut sëmundje e rrallë tek fëmijët

Një ditë pas vdekjes së 12-vjecarit Leo Sadiku vazhdojnë hetimet e prokurorisë për të zbuluar nëse ka marrë mjekimin e duhur në spitalin e Korçës, ku u paraqit para se të transportohej në gjendje të rëndë në QSUT. Burimet thanë se në Korçë është mjekuar vetëm për grip dhe nuk është diagnostikuar për problemet e zemrës, pasi nuk ka mjek kardiolog të specializuar për fëmijët.

Miokarditi akut është një sëmundje e rëndë e zemrës që në raste shumë të rralla prek moshat e reja. Fatin e keq e pati 12-vjeçari Leo Sadiku, nga Pocesta e Maliqit, i cili u nda nga jeta një ditë më parë në Qendrën Spitalore Universitare ‘Nënë Tereza’ në Tiranë.

Zyrtarisht QSUT tha se “pacienti është hospitalizuar më 7 janar dhe ka ndërruar jetë më 8 janar në orën 01:45. Pacienti është diagnostikuar me miokardit akut, një sëmundje e rrallë dhe e rrezikshme, e cila shoqërohet me shkallë të lartë të vdekshmërisë. Pavarësisht kujdesit maksimal dhe trajtimeve të kryera sipas protokolleve mjekësore ne Pediatri, ndarja nga jeta ka qenë e pamundur të parandalohet”.

Por pavarësisht se QSUT thotë se ishte e pamundur të shpëtohej, Prokuroria ka nisur hetimet për mjekët e spitalit të Korçës, pasi fëmija u mjekua fillimisht në këtë spital për grip.

Bluzat e bardha thanë jashtë kameras se i mituri është paraqitur para Vitit të Ri me simptoma të gripit, si temperaturë, koll, të vjella dhe është shtruar në repartin e Pediatrisë së Korçës. Ka marrë mjekim me antibiotik, serume dhe qetësues për stomakun. Më datë 31 dhjetor, prindërit kanë firmosur për ta marrë në shtëpi për darken e Vitit të Ri, pasi gjendja e femijes ishte përmirësuar, por jo shëruar plotësisht.

12-vjeçari Leo Sadiku është rikthyer në urgjencën e Korçës mëngjesin e  7 Janar në gjendje shumë të rëndë dhe mjekët e Urgjencës e kanë transportuar drejt Tiranës, pa mundur të përcaktojnë diagnozën. Burimet saktësuan se në spitalin e Korçës nuk ka mjek kardiopediatër ndaj e dërguan për mjekim të specializuar në Pediatrinë e QSUT, por fatkeqësisht humbi jetën pas mesnate (ora 01.45 e 8 Janarit). Dyshimi më i madh në këtë rast, për të cilin po heton Prokuroria e Korçës është nëse fëmija mund të ishte diagnostikuar që në fund të dhjetorit për problemet me zemrën dhe nëse ka marrë trajtimin e duhur spitalor.

R.D/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

VIDEO/ Shqiptari hero bën xhiron e mediave në Britaninë e Madhe, shpëton gruan nga përmbytjet në Leicestershire (EMRI)

9 Janar, 22:49