POP 5

Lajmet më të lexuara të 5 minutave të fundit

Kronikë

Korçë/ Drejtori i Spitalit: S’ka vendim nëse do kthehemi në strukturë COVID! Qytetari: Të mbajmë maskën që të mbrojmë të tjerët, pastaj Zoti para ne pas (VIDEO)

Me gjithë numrin e lartë të të infektuarve në Qarkun e Korçës ende nuk është vendosur nëse spitali do të kthehet në spital COVID. E gjitha do të varet nga kurba e të prekurve, sipas drejtorit të këtij spitali, Litjan Broka. 

Këtij burri mjekët i thanë që është i infektuar. Dyshime ka edhe për bashkëshorten dhe vajzën e tij. Është nga rastet me të fundit mes 750 personave aktivë me COVID -19 në qarkun e Korcës.

“Unë vetë e kam. Në bazë të analizave që bëra, doktorët më thanë se e kam. U paraqita tek urgjenca. U thash kam këto, këto simptoma dhe më thanë do të bësh këto analiza. Pas përfundimit ët analizave, më than që e ke. Brenda orësh u bë. Për një orë e gjysmë dolën analizat. Masa, distanicim nga të tjerët. Të paktën të mbrojmë tjerët. Zoti përpara, ne mbrapa dhe do ja dalim. Dhimbje muskujsh. Humbje nuhatje, shije. Temperaturë vetë nuk kam. Gruaja e vajza kanë temperaturë. Sot jemi në gjendje, nesër se di”, tha një i prekur me COVID.

Korça është nga zonat me numrin më të lartë të të infektuarve por pavarësisht  Komiteti i Ekspertve ende nuk ka marrë një vendim nëse spitali do të kthehet në COVID apo jo. Për drejtorin Litjan Broka, kjo do të varet nga kurba e të infektuarve.

“Të gjitha spitalet kanë karakteristikat e tyre për të trajtuar të sëmurët me COVID. Spitali ynë ka bërë përgatitjet. Është bërë trajnimi i gjithë stafit mjekësor, paramjekësor, infermieror. Për këtë jemi 100% të trajnuar dhe kushtet teknike janë gjithmonë në përmirësim për të rritur sa më mirë shërbimin. Çdo gjë është në koordinim me komitetin e ekspertëve për të përdorur çdo kapacitet mjekësor në ndihmë të përballimit të kësaj pandemie. Nuk mund ta them nëse ky spital do kthehet në COVID sepse çdo gjë është në dinamikë që të kthehet do certifikohet dhe nga ekspertë të fushës dhe çdo gjë do vihet në shërbim te pacientëve. Çdo statistikë, çdo mënyrë menaxhimi ka një koordinim qendror për të pasur një reagim dhe funksionim sa më të mirë të spitaleve COVID dhe rajonal. Jemi në kontakt të përditshëm me komitetin e ekspertëve dhe Ministrisë së Shëndetësisë, të cilët na udhëzojnë dhe mbështesin”, tha drejtori i spitalit Korçë, Litjan Broka.

Broka tregon se numri i qytetarëve që paraqiten në urgjencën e spitalit rajonal te Korçës me simptoma të koronavirusit, rritet çdo ditë. Pasi ekzaminohen, vendoset trajtimi i tyre shëndetësor.

“Spitali rajonal i Korçës ka që në mars që është në gatishmëri për shërbim ndaj pandemisë COVID-19. Deri tani çdo ditë njerëzit paraqiten në urgjencë me simptoma të referuara nga numri 127 ose nga mjeku i familjes. Ka dhe qytetarë të cilët vijnë direkt në spital duke përshkruar simptomat e ndryshme që kanë. Flukset janë të ndryshme. Ditët nuk ngjajnë me njëra-tjetrën, por gjatë gjithë ditës njerëzit vijnë vazhdimisht. Deri me tani skema e miratuar nga komiteti i ekspertëve është që në spitalet rajonale nuk trajtohen në mënyrë përfundimtare pacientë me COVID. Ka raste kur vijnë në spital marrim mjekim bazë të miratuar deri në marrjen e përgjigjes së tamponit. Kur rezulton pozitiv sipas gradës shkojnë në spitalet COVID. Deri në moment e marrjes së përgjigjes qëndrojnë në sanatorium në karantinë brenda të gjithë kushteve optimale që ofron spitali rajonal. Të gjithë personat e paraqitur kanë pasur kërkesa maksimale për radiografi dhe skaner dhe këtë shërbim e kanë marrë të gjithë në spital. Në të gjitha rastet kartelat pajisen me radiografi dhe skaner e me pas certifikohen si rast COVID ose jo”, shtori drejtori  spitalit Korçë.

Korça prej muajit shtator ka pasur një rritje të frikshme të të infektuarve, mes tyre shumë arsimtarë dhe nxënës.

er.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën

Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën

24 Nëntor, 11:35