Korçë - Një 19-vjeçare ka kallëzuar në policinë e Korçës zhdukjen e motrës së saj të mitur.

Sipas denoncimit nga e reja Sonja Ruçi, 15-vjeçarja është larguar nga banesa që prej datës 21 tetor.

Policia vijon punën për gjetjen e saj.

“Në Komisariatin e Policisë Korçë ka kallëzuar shtetasja S. R., 19 vjeçe, se më datë 21.10.2025, është larguar nga banesa, motra e saj e mitur shtetasja F. R., 15 vjeçe. Po punohet për gjetjen e saj”, njoftoi sot policia.   

Materialet proceduriale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.