POP 5

Lajmet më të lexuara të 5 minutave të fundit

Kronikë

Korçë, 4 zyrtarë të bashkisë pezullohen nga detyra, favorizuan në mënyrë të paligjshme subjekte dhe individë (EMRAT)

Katër punonjës të bashkisë Korçë janë pezulluar nga detyra dhe janë vënë në masën e detyrimit për tu paraqitur në policinë gjyqësore prej Prokurorisë së Korçës.

Katër punonjës të bashkisë Korçë janë pezulluar nga detyra dhe janë vënë në masën e detyrimit për tu paraqitur në policinë gjyqësore prej Prokurorisë së Korçës.

Tre prej tyre dyshohet se kanë kryer veprën penale të ‘Shpërdorimit të detyrës’, ndërsa një tjetër dyshohet për ‘Moskallëzim krimi’.

Personat në hetim dyshohet se kanë favorizuar subjekte dhe individë me qëllim përfitimi, duke llogaritur në mënyrë të paligjshme takën e ndikimit në infrastrukturë për ndërtimet e reja dhe disa komplekse.

'Personat nën hetim, dyshohet se kanë favorizuar në mënyrë të paligjshme dhe me qëllime përfitimi individual subjekte dhe individë të veçantë, duke llogaritur në mënyrë të paligjshme taksën e ndikimit në infrastrukturë për ndërtimet e reja dhe komplekset e luksit në lagjet 1, 2, 3 11, 12 të qytetit të Korçës në masë më të ulët se sa duhej të paguhej në bazë të ligjit 107/2014, VKM 408, datë 13.05.2018 apo dhe Vendimeve të Këshillit Bashkiak për periudhën 2020-2023, duke shpërdoruar detyrën dhe duke dëmtuar rëndë interesat e ligjshëm të shtetit.', thuhet në njoftimin e Prokurorisë.

Zyrtarët e pezulluar nga detyra: 

1. Zhaneta Lubonja, lindur dhe banues në Korçë, me detyrë Drejtore e Drejtorisë së Planifikimit dhe Kontrollit të Zhvillimit të Territorit, Bashkia Korçë, e dyshuar për kryerjen e veprës penale “Shpërdorimi i detyrës” parashikuar nga neni 248 i Kodit Penal;
2. Ermal Gjermeni, lindur dhe banues në Korçë, me detyrë e Përgjegjës i Sektorit pranë Drejtorisë së Planifikimit dhe Kontrollit të Zhvillimit të Territorit, Bashkia Korçë, i dyshuar për kryerjen e veprës penale “Shpërdorimi i detyrës” parashikuar nga neni 248 i Kodit Penal.
3. Olvas Petro, lindur dhe banues në Korçë, me detyrë specialist i Buxhetit, si dhe në cilësinë e specialistit të përllogaritjes së taksës së ndikimit të infrastrukturës, Bashkia Korçë, i dyshuar per kryerjen e veprës penale “Shpërdorimi i detyrës” parashikuar nga neni 248 i Kodit Penal; dhe
4. Soniel Prifti, lindur dhe banues në Korçë, me detyrë Drejtor i Drejtorisë së Taksave dhe Tarifave Vendore, Bashkia Korçë, i dyshuar për kryerjen e veprës penale “Moskallëzimi i krimit” parashikuar nga neni 300 i Kodit Penal.

Ndërkohë, masat e sigurisë të kërkuara nga Prokuroria, janë ekzekutuar nga DVP Korçë.

'Specialistët e Seksionit për Hetimin e Krimeve Ekonomiko-Financiare të Drejtorisë Vendore të Policisë Korçë, pas një hetimi intensiv 16-mujor, të kryer në drejtimin e Prokurorisë së Korçës, ekzekutuan masat e sigurisë "Pezullimi i ushtrimit të një detyre a shërbimi publik" dhe "Detyrimi për t'u paraqitur në policinë gjyqësore", thuhet në njoftimin e policisë.

G.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A mund të zhvillojë Shqipëria turizmin elitar?

Lajme të tjera



×

Lajmi i fundit

Dhuna në protestën e Rithemelimit/ Basha: Tejkalimi i gjërave nuk i shërben kauzave

Dhuna në protestën e Rithemelimit/ Basha: Tejkalimi i gjërave nuk i shërben kauzave

30 Prill, 18:45