POP 5

Lajmet më të lexuara të 5 minutave të fundit

Kronikë

Aksident i rëndë në Korçë, përplasen dy automjete! Humb jetën pasagjerja, një drejtues në spital (VIDEO)

Dita e parë e janarit ka nisur me një ngjarje të rëndë në qytetin e Korçës. Një aksident me vdekje është regjistruar rreth orës 22:00, në aksin rrugor "Korçë-Bilisht", në afërsi të fshatit Zëmblak.

KORÇË- Dita e parë e janarit ka nisur me një ngjarje të rëndë në qytetin e Korçës. Një aksident me vdekje është regjistruar rreth orës 22:00, në aksin rrugor "Korçë-Bilisht", në afërsi të fshatit Zëmblak.

Një mjet tip ‘Benz’ është përplasur me një ‘Peugeot’. Si pasojë e përplasjes ka humbur jetën pasagjerja në mjetin ‘Peugeot’, Zoi Ksila, ndërsa drejtuesi është dërguar në spital për të marrë ndihmë mjekësore.

“Rreth orës 22:00, në aksin rrugor "Korçë-Bilisht", në afërsi të fshatit Zëmblak, automjeti tip, "Benz", me drejtues shtetasin T. M., është përplasur me automjetin tip "Peugeot ", me drejtues shtetasin K. K.

Si pasojë e përplasjes ka ndërruar jetë  shtetasja Z. K., pasagjere në automjetin tip "Peugeot". Ndërsa  drejtuesi i këtij automjeti është dërguar për ndihmë mjekësore në spitalin rajonal të Korçës. Drejtuesi i automjetit tip "Benz", u shoqërua në ambientet e Komisariatit, për veprime të mëtejshme”, njofton policia.

Grupi hetimor ndodhet në vendngjarje dhe nën drejtimin e Prokurorisë po vijon punën zbardhjen e rrethanave dhe të  shkakut të aksidentit.

G.K/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Lara Colturi mrekullon në Botërorin e Skive, renditet e dyta

Lara Colturi mrekullon në Botërorin e Skive, renditet e dyta

4 Janar, 14:12