Korçë/ Arrestohet në flagrancë duke vjedhur dhe shpallen në kërkim 2 bashkëpunëtorë (VIDEO)

 Korçë -Është kapur në flagrancë duke vjedhur një banes autori i dyshuar dhe për 8 vjedhje të tjera, në këerkim jan shpallur dhe 2 bashkëpunëtorë

Njoftimi i Policisë

Operacion për goditjen e veprimtarisë kriminale në fushën e vjedhjeve.

Arrestohet në flagrancë 1 shtetas dhe shpallen në kërkim 2 të tjerë, si autorë të dyshuar të vjedhjes së 9 banesave dhe bizneseve. 

Sekuestrohen sende të vjedhura.

Shërbimet e Komisariatit të Policisë Korçë, në vijim të punës për zbardhjen dhe dokumentimin e disa vjedhjeve në banesa dhe biznese, të ndodhura së fundmi në qytetin e Korçës, kanë organizuar dhe finalizuar një operacion, si rezultat i të cilit u bë arrestimi në flagrancë i shtetasit D. H., 17 vjeç, si edhe u shpallën në kërkim shtetasit R. B., 20 vjeç dhe R. Sh., 17 vjeç, banues në Korçë.

Forcat e policisë, kanë kapur në flagrancë shtetasin D. H., duke vjedhur në banesën e shtetases D. F., në lagjen nr. 11.

Nga veprimet hetimore të kryera dhe provat e grumbulluara, dyshohet se ky shtetas në bashkëpunim me dy të tjerët janë autorë edhe të 8 vjedhjeve të tjera të ndodhura muajin e fundit në qytetin e Korçës, në lagjet nr 1, 3, 4, 6, 10, 12 dhe 18, ku në banesat, dyqanet dhe magazinat e qytetarëve të ndryshëm janë vjedhur materiale ndërtimi, instalime elektrike e hidraulike, sasi lekësh, televizor, bizhuteri të ndryshme dhe orendi shtëpiake, një pjesë e të cilave u gjet dhe sekuestrua në cilësinë e provës materiale. 

Materialet në ngarkim të tyre i kaluan Prokurorisë për veprën penale "Vjedhja e kryer në bashkëpunim, më shumë se një herë".
 

r.k./Shqiptarja.com

TAG:
• Korce
• vjedhje
• Arrestime