POP 5

Lajmet më të lexuara të 5 minutave të fundit

Sociale

Uji i ndotur në çezma, banorët e Dishnicës në protestë! Ujësjellësi i Korçës: Analizat e ujit brenda parametrave

Banorët e Dishnicës protestuan kundër ndërmarrjes së Ujësjellësit dhe Bashkisë së Korçës, pasi uji në çezma u shkon i ndotur. Nga ana tjetër, Ujësjellësi deklaron se janë kryer analizat dhe uji i rrjetit është brenda parametrave për konsum.

Banorë të Dishnicës në Bashkinë e Korçës, kanë dalë këtë te mërkurë në protestë për ujin e pijshëm.  Ata thane se furnizohen me ujë të ndotur nga ujësjellësi i sapo investuar. Ata pretendojnë se më herët e kishin në vetëmenaxhim rrjetin e ujësjellësit, por pas investimit, menaxhimin e mori Ndërmarrja e Ujësjellës-Kanalizimeve Korçë. Tashmë bëhen 4 muaj që në çezma u shkon vetëm ujë i ndotur, i cili jo vetëm nuk konsumohet por ka dëmtuar dhe pajisjet shtëpiake.

“Ujin na e ka fal Perëndia por nuk e përdorim për të pirë. Sa herë bie shi, turbullohet uji. Për të pirë s’bëhet fjalë, por po na dëmtohen dhe pajisjet”.

Ata kanë kërkuar që ndërmarrja e ujësjellësit të marri masa për problematikën dhe që vetë fshati të marri përsëri në menaxhim ujin e pijshëm.

Në fshatin Dishnicë që ndodhet pranë qytetit të Korçës jetojnë 2 mijë banorë, të cilët e blejnë ujin e pijshëm ose e mbushin me bidonë në burimet natyrore.

“Më përpara vinte Pojani e mbushte tek ne, tani shkojmë ne e mbushim në Pojan, Korçë e ku të mundemi se uji në çezmë vjen i turbullt”.

Ndërmarrja e Ujësjellësit të Korçës deklaron se analizat kryhen periodikisht dhe uji rezulton brenda parametrave për konsum.

“Problemi kryesor është tek vepra e marrjes së ujit, ndikuar nga shirat që kanë ndikuar në turbullim. Ky investim është kryer në vitin 2000. Megjithatë ne jemi duke punuar për riparimin e depozitës. Analizat merren në mënyrë periodike dhe ka rezultuar se uji është higjenetikisht i pastër. Kjo është fleta e analizës, kryer ditën e hënë dhe rezulton se të gjitha analizat mikrobiologjike janë ne brenda parametrave.  Pra uji është i pijshëm”.- tha Ina Kosta, zëdhënëse e Ujësjellësit.

Po kështu bëhet e ditur se aktualisht janë vendosur tubacionet e reja dhe do të vazhdojnë punimet për rikonstruksionin e depozitës.

B.V/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 15/11/2023 23:33

    Jepini nja dy gota nga ai uje Ina Kostes e kush eshte pergjegjes i ujesjellesit,apo atyre qe nxjerrin keto rezultate analizash,te shohim e pine apo jo!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dyndje për festat! 'Bien' linjat ajrore amerikane, bllokohen mijëra fluturime

Dyndje për festat! 'Bien' linjat ajrore amerikane, bllokohen mijëra fluturime

25 Dhjetor, 15:55