Korçë, iu kapën arsenal armësh, në pranga dy vëllerëzit (VIDEO)

Dy persona në Korçë u arrestuan nga policia për armëmbajtje pa leje si dhe për të shtëna me armë zjarri.

Vëllezërit me iniciale S.Z. 36 vjeç dhe M.z., 34 vjeç në orët e mbrëmjes qëlluan me armë zjarri në fshatin Novoselë.

Policia arriti t'i identifikojë e më pas t'i arrestojë ata. Gjithashtu vëllezërit gjatë shoqërimit nga autoritetet i bënë rezistencë oficerëve.

"Në këtë kuadër është organizuaur dhe finalizuar operacioni policor i koduar "Novosela", ku pas ndërhyrjes profesionale të Forcës së Posaçme "Shqiponjat", në bashkëpunim me shërbimet e Komisariatit të Policisë Kolonjë, u bë kapja dhe prangosja e shtetasve S. Z., 36 vjeç dhe M. Z., 34 vjeç, (vëllezër), banues në Novoselë" - njofton policia.

Gjatë kontrollit në banesën e tyre u gjetën dhe u sekuestruan 2 pushkë, një pistoletë tip "Zastava" me 4 fishekë dhe një municion prej 1572 fishekësh.

Nga veprimet hetimore rezultoi se dy shtetasit e mësipërm, kanë qëlluar me armë zjarri në ajër duke prishur qetësinë publike, ku si pasojë e të shtënave një predhë ka rënë në banesën e shtetasit Q. B., pa shkaktuar dëme.

Materialet i kaluan Prokurorisë të Rrethit Gjyqësor Korçë për veprat penale "Armëmbajtja pa leje", "Kundërshtimi i punonjësit të policisë së rendit publik" dhe "Prishja e qetësisë publike".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • hajde koqe hajde: 12/09/2020 11:38

    beni nja 4-5 vjet per arm mbajtje pa leje prishje e qetesise publike e venien ne rrezik te personave....po patet 40-50 mij euro jepini qe ta uli denimin ne 2 vjet e gjysem dilni mbas nji viti. he ju pelqen pazari i injorances tuaj o KOQET e kandarit?

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’