KORÇE- Një 57-vjeçar është vënë në pranga nga policia, pasi ka kanosur me thikë bashkëshorten e tij dhe djalin e tyre të mitur.

Ngjarja ka ndodhur në fshatin Podgorije, ndërsa shërbimet e Komisariatit të Policisë Maliq, kanë finalizuar operacionin policor të koduar “Reagimi”.

Si rezultat është kapur dhe arrestuar Bashkim Baçi 57 vjeç, për veprat penale "Dhuna në familje" dhe " Prodhimi dhe mbajtja pa leje e armëve të ftohta"   

'Nga veprimet hetimore dyshohet se ky shtetas ka kanosur me mjet prerës thikë, bashkëshorten e tij dhe djalin e tyre të mitur, pas një konflikti për motive të dobëta, të cilët u pajisën me urdhër mbrojtjeje. Shërbimet e Policisë kanë gjetur dhe sekuestruar në cilësinë e provës materiale mjetin prerës thikë', njoftoi sot policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.