Korçë/ Ndalohen në kufi 14 refugjatë, policia: Do kthehen në vendin e origjinës

Korçë/ Ndalohen në kufi 14 refugjatë, policia: Do kthehen në vendin e origjinës

Foto arkiv

Policia kufitare ka ndaluar ditën e djeshme në Kapshticë 14 refugjatë nga vendet e Lindjes së Mesme. Në njoftimin e shpërndarë nga policia nuk specifikohet kombësia e emigrantëve, por fluksi i tyre drejt vendit tonë nuk ndalet.

Ata janë ndaluar në momentin që po hynin në Shqipëri përmes pikës së kalimit kufitar të Kapshticës. Policia sqaron se refugjatët e ndaluar janë dërguar në qendrën e pritjes në Babrru dhe më pas do kthehen në vendin e origjinës. 

Njoftimi i Policisë

Drejtoria Vendore për Kufirin dhe Migracionin Korçë

Më datë 11.07.2018, në SPK Kapshticë, nga shërbimet e kufirit u dërguan në QKPA Babrru, Tiranë, 4 shtetas të huaj, imigrantë të paligjshëm, deri në pritje të dokumentacionit përkatës për kthimin e tyre në vendin e origjinës.

Më datë 11.07.2018, në Kapshticë, nga shërbimet e kufirit u kapën 11 shtetas të huaj, imigrantë të paligjshëm, po punohet për përcaktimin e procedurës, për kthim vullnetar në vendin nga kanë ardhur.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet