Policia e Korçës arrestoi drejtuesin e një makine, i cili me qëllim, i dha gaz automjetit duke shtypur një qen që i kishte dalë përpara rrugës, por fatmirësisht qeni ia doli të mbijetojë.

Rasti u bë publik me pamje në rrjetet sociale, të cilat i shërbyen policisë për të identifikuar personin.

Ai u shpall në kërkim për veprën penale, “vrasje me dashje e kafshës së shoqërimit”, mbetur në tentativë.

Veprimi për të dëmtuar me dashje një kafshë që qëndronte në rrugë, ka ngjallur shumë reagime te qytetarët në rrjetet sociale.