KORÇË - “Nëna nuk me lë të shkoj në shkollë dhe më ushtron dhunë psikologjike”. Ky është denoncimi i bërë nga 10 vjecarja Gerta Trimi, në policinë e Korcës, banuese në lagjen numër 10 të qytetit juglindor.

Sipas burimeve nga blutë e Korçës, 10 vjeçarja ka pohuar se është dhunuar herë pas here nga nëna e saj duke mos e lejuar që ajo të shkonte në shkollë. 

Nga ana tjetër i menjëhershëm ka qënë reagimi i nënës së 10 vjecares , Shpresa Trimi, sipas së cilës vajza largohej shpesh nga banesa pa dijenin e saj, madje shton se kishte filluar të luante edhe bixhoz, ndërsa ka mohuar të ketë ushtruar dhunë ndaj vajzës së mitur

Familja Trimi me 8 anëtarë jeton në kushte ekstreme të varfërisë ndërsa nuk marin asnjë ndihmë ekonomike. Ndërkaq për rastin në fjalë, ndaj 10 vjeçarjes është lëshuar urdhër mbrojtje.

Redaksia online
(S.M/shqiptarja.com)