POP 5

Lajmet më të lexuara të 5 minutave të fundit

Kronikë

Korçë, vdesin 2 gardianë, po 
ktheheshin nga varrimi i shokut

Dy gardianë të burgut të Drenovës kanë humbur jetën mesditën e kësaj të mërkure pasi janë përfshirë në një aksident ku kanë mbetur të plagosur edhe tre persona të tjerë. Nga aksidenti kanë humbur jetën gardiani Fatmir Islamaj dhe Agim Beshi, ndërsa tre të plagosurit, dy nga të cilët janë Neshat Olldashi e Luan Kreka dhe po marrin ndihmë mjekësore në spitalin e Korçës. FOTO  VIDEO
Makina e gardianëve i preu rrugën furgonit
Dy gardianë të burgut të Drenovës kanë humbur jetën mesditën e kësaj të mërkure pasi janë përfshirë në një aksident ku kanë mbetur të plagosur edhe tre persona të tjerë.

Nga aksidenti kanë humbur jetën gardiani Fatmir Islamaj dhe Agim Beshi, ndërsa tre të plagosurit, dy nga të cilët janë Neshat Olldashi e Luan Kreka dhe po marrin ndihmë mjekësore në spitalin e Korçës.

Sipas të dhënave të para bëhet e ditur se punonjësit e burgut po ktheheshin nga një ceremoni mortore e një kolegu të tyre, kur janë përplasur me një tjetër automjet, të ngarkuar me qepë.
 
Aksidenti ka ndodhur në rrugën nacionale Korçë - Bilisht, pranë kryqëzimit të fshatit Plasë, ku janë përplasur dy mjete përkatësisht me targa AA 251 EP veturë ku ndodheshin gardianët e burgut të  Drenovës dhe mjeti tip furgon me targa AA 519 EX.
 
Përplasja ka rezultuar fatale për gardianët e burgut, ku njëri humbi jetën menjëherë, ndërsa i dyti në spital, pasi kishte plagë të rëndë, ndërsa tre personat që ndodheshin në furgon, shoferi me dy pasagjerët janë të plagosur. 

Nga të dhënat e para nga grupi hetimor mesohet se shkaktar i aksidentit ka qenë mjeti ku po udhëtonin dy gardianët, pasi i kanë prerë rrugën furgonit teksa po dilnin nga një rrugë dytësore për t'u futur në rrugën kryesore. 

Ministri Manjani u ka shprehur ngushëllimet familjarëve të tre gardianëve, dy nga të cilët humbët jetën në aksidentin tragjik, ndërsa tjetri vuante nga një sëmundje e rëndë.
 
"Kanceri dhe aksidenti na rrëmbeu sot tre punonjës të Policisë së Burgjeve në Korçë. Tragjike! Ngushëllime Familjeve" shprehet Manjani.
 
Dy gardianët Fatmir Islamaj dhe Agim Beshi humbën jetën në aksident, pasi po ktheheshin nga varrimi i shokut të tyre, që ndërroi jetë nga një sëmundje e rëndë.

[gallery]19182[/gallery]

Redaksia Online
(F.T/dy.b/shqiptarja.com)
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet!

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet!

13 Janar, 18:55