Mesa duket kërcënimet e liderit të Koresë së Veriut nuk ndalen dhe nuk duhen injoruar.  Seuli ka njoftuar se Kim Jong ka urdhëruar testimin e 5 atomik i cili vlerësohet  si më i fuqishmi deri më tani. Lajmi u konfirmua nga televizioni vendas duke theksuar  se testi rezultoi me sukses, test i cili  përkoi me 68 vjetorin e themelimit të shtetit.

“Testi i ri atomik ishte një përgjigje ndaj SHBA dhe armiqëve tanë të cilët na kanë vendosur sanksione, duke  injoruar  aftësinë tonë të fuqisë bërthamore dhe duke na kritikuar” u tha në mesazhin e transmetuar në television.

Kryeministri japonez Shinzo Abe  u shpreh se testi atomik i Koresë së Veriut është i patolerueshëm dhe Japonia  do të protestojë. Këshilli kombëtar i sigurisë në Japoni po koordinon punën me qeverinë e SHBA dhe Korenë e Jugut për të analizuar situatën duke u bazuar në të dhënat e fundit të ofruara nga sateliti

Presidenti i SHBA, Barack Obama kërcënoi se pas testit nuklear do të ketë pasoja të rënda.

Testi atomik i ndërmarrë nga Koreja e Veriut konsiderohet si më i fuqishmi deri më tani, madje duke u krahasuar me bomën atomike të Hiroshimës.  Seuli pretendon se tërmeti  u shkaktua nga shpërthimi i një dispozitivi i cili shkaktoi tronditjen më të fortë të regjistruar deri më tani.

Dridhjet, që sipas Shërbimit Gjeologik të SHBA-së është regjistruar si tërmet 5.3 ballësh, është regjistruar në afërsi të Pyunggye-ri, hapësirës së testeve bërthamore të Koresë së Veriut, ku ishte detonuar edhe pajisja bërthamore e katërt, në muajin janar.

Redaksia online
(e.m/Shqiptarja.com)