POP 5

Lajmet më të lexuara të 5 minutave të fundit

Bota

Koreja e Veriut provokon sërish! Lëshon raketën balistike pranë ujërave të Japonisë, SHBA ndjek veprimet hap-pas-hapi

Koreja e Veriut ka provokuar sërish mëngjesin e sotëm, këtë herë duke lëshuar një raketë balistike nga një nëndetëse pranë brigjeve të Japonisë.

Koreja e Veriut provokon sërish! Lëshon raketën balistike pranë ujërave të Japonisë, SHBA ndjek veprimet hap-pas-hapi

Diktatori Kim Jong-un

Koreja e Veriut ka provokuar sërish mëngjesin e sotëm, këtë herë duke lëshuar një raketë balistike nga një nëndetëse pranë brigjeve të Japonisë.

Raketa u lëshua nga zona e Sinpo në provincën jugore Hamkyong rreth orës 10:17 të mëngjesit me kohën lokale në Detin Lindor.

Sipas mediave, aktualisht SHBA po monitoron nga afër çdo lëvizje ushtarake të Koresë së Veriut, ndërsa mediat e Koresë së Jugut raportuan se kjo raketë e veçantë besohej të kishte udhëtuar rreth 450 km (280 milje) në një lartësi maksimale prej 60 km.

Kryeministri japonez Fumio Kishida tha se ishin lëshuar 2 raketa dhe komenti i tij për këtë veprim, ishte “shumë për të ardhur keq”.

OKB -ja i konsideron raketat balistike më kërcënuese sesa raketat lundruese sepse ato mund të mbajnë ngarkesa më të fuqishme, kanë një rreze më të gjatë dhe mund të fluturojnë më shpejt.

Koreja e Veriut ka kryer një mori testesh raketash javët e fundit, duke përfshirë armët hipersonike dhe ato me rreze të gjatë, disa prej të cilave shkelin ligjet e rëndësishme ndërkombëtare.

Ndërkohë marrëdhëniet mes SHBA dhe Koresë së Jugut janë të tensionuara, kjo për shkak të mosmarrëveshjeve themelore mbi denuklearizimin. Kërkesa e SHBA është që Koreja e Veriut të heqë dorë nga armët e saj bërthamore para se të lehtësohen sanksionet, por deri më tani duket se kërkesat nuk janë dëgjuar.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

Përplasjet për emrin, Athina deklaroi se 'çështja e Maqedonisë së Veriut është mbyllur', reagon Mickoski: E papërgjegjshme! Do korrigjohen këto padrejtësi

24 Janar, 07:31