Koreja e Veriut nuk ndalet para asgjëje. Pasi njoftoi fillimin e testimit të 5 bërthamor Pheniani  tashmë i kërkon SHBA ta njohin  legjitimisht si një shtet bërthamor.

Lajmi u konfirmua nga agjensia e shtetit Kcna. Në një komunikatë për mediat ministri i punëve të jashtme u shpreh se presidenti Obama  po përpiqet që me të gjitha forcat  të mohojë pozicionin strategjik të Republikës popullore demokratike të Koresë si një shtet i dhënë pas testeve bërthamore. 

Qeveria edhe një herë konfirmoi se test ii pestë bërthamor ishte një përgjigje e nevojshme ndaj kërcënimeve amerikane dhe shtoi se fuqia bërthamore  do të përmirësohet në sasi dhe në cilësi.

Në 9 shtator Pheniani vendosi  të realizojë testin e 5 bërthamor duke i acaruar edhe më tej marrëdhëniet ndërkombëtare me Washingtonin , Seulin dhe jo vetëm.
Shtetet e Bashkuara njoftuan se po marrin në konsideratë sanksione të reja amerikane, përveç atyre që priten të vendosen nga Këshilli i Sigurisë së Kombeve të Bashkuara, Japonia dhe Koreja e Jugut.  
Ndërsa kjo  efundit nga ana tjetër kërcënon  se nëse Koreja e veriut shfaq shenjat e para të ndërmarrjes së një sulmi bërthamor  atherë do të vërë në zbatim  planin e saj për asgjesimin e kryeqytetit koreano – verior.
 


Redaksia online
(e.m/Shqiptarja.com)