Koreja e Veriut shkarkon zyrtarin e dytë më të fuqishëm ushtarak pas Kim Jong Un

Koreja e Veriut ka shkarkuar Pak Jong Chon, zyrtarin e dytë më të fuqishëm ushtarak pas liderit Kim Jong Un, shkruan Reuters.

Chon, nënkryetar i Komisionit Qendror Ushtarak të Partisë së Punëtorëve në pushtet dhe një sekretar i Komitetit Qendror të partisë, u zëvendësua nga Ri Yong Gil në takimin vjetor të komitetit javën e kaluar.

Nuk u dha asnjë arsye për ndryshimin. Pheniani rregullisht rinovon udhëheqjen e tij dhe mbledhja e partisë në fund të vitit është përdorur shpesh për të shpallur riorganizime të personelit dhe vendime të rëndësishme politike. Televizioni shtetëror tregoi Chon të ulur në rreshtin e parë të podiumit me kokën ulur gjatë takimit ndërsa anëtarët e tjerë ngritën duart për të votuar për çështjet e personelit.

Ai mungonte gjithashtu në fotot e publikuara të hënën nga agjencia zyrtare e lajmeve KCNA të vizitës së Kim-it për Vitin e Ri në Pallatin Kumsusan të Diellit, ku strehohen trupat e gjyshit dhe babait të tij, ndryshe nga tetori kur Pak shoqëroi Kim-in në një udhëtim në pallat për të shënuar përvjetorin e festës.

B.V/Shqiptarja.com

TAG:
• kim jong un
• Koreja e veriut