POP 5

Lajmet më të lexuara të 5 minutave të fundit

Bota

Koreja e Veriut teston një raketë të re lundruese

Lideri verikorean, Kim Jong Un, e ka cilësuar si sukses testimin e një rakete të re strategjike lundruese, që u lëshua nga një nëndetëse

Koreja e Veriut teston një raketë të re lundruese

Lideri verikorean, Kim Jong Un, vëzhgon lëshimin e një rakete lundruese nga një nëndetëse

Lideri verikorean, Kim Jong Un, e ka cilësuar si sukses testimin e një rakete të re strategjike lundruese, që u lëshua nga një nëndetëse. Ai tha se ky testim është moment kyç në ndërtimin e fuqisë detare të shtetit të tij, raportoi media shtetërore e Koresë së Veriut. Peniani ka shpeshtuar testimin e armëve gjatë këtij viti, përfshirë edhe testimin e një “sistemi armësh bërthamore nënujore” dhe një raketë balistike hipersonike, që operon me karburante të ngurta.

Media shtetërore KCNA tha se Kim ka shprehur “kënaqësi të madhe” për testimin e kryer të dielën, “i cili ka një rëndësi të madhe strategjike për zbatimin e planit tonë... për modernizmin e ushtrisë dhe ndërtimin e një force të fuqishme detare”. Lideri verikorean po ashtu ka inspektuar një “nëndetëse bërthamore” dhe ka diskutuar me zyrtarët për ndërtimin e luftanijeve të reja, tha KCNA më 29 janar pa dhënë më shumë detaje.

Sipas Koresë së Veriut, raketa lundruese e testuar të dielën fluturoi për rreth dy orë. Megjithatë, Peniani nuk tregoi se cila ishte distanca që përshkroi raketa. Për dallim nga raketat balistike, testimi i raketave lundruese nuk është i ndaluar sipas sanksioneve aktuale që Kombet e Bashkuara kanë vendosur ndaj Koresë së Veriut. Sipas Koresë së Veriut, gjatë javës u testuan dy raketa Pulhwasal-3-31. Këto lloj raketash janë një gjeneratë e re e raketave lundruese që Peniani tha se ka testuar për herë të parë të mërkurën e javës së kaluar.

Raketat lundruese fluturojnë në një lartësi më të ulët sesa raketat e sofistikuara balistike, dhe bën që këto lloj raketash të mos detektohen lehtë. Është e paqartë aftësia e saktë e Koresë së Veriut sa i përket lëshimeve të raketave nga deti, por ky shtet në të kaluarën ka lëshuar raketa nga anije më të vjetra, por jo nga nëndetëset./REL

 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34