POP 5

Lajmet më të lexuara të 5 minutave të fundit

Kultura

Korkuti:Ja pse u shkatërrua afresku
në kishën e Gjon Pagëzorit në Krujë

Afresku i shekullit të 13-të i kishës së Shën Gjon Pagëzorit që u la të shkatërrohet në ujë, lidhet me një kronologji të trishtë të ndërtimeve pa leje, të abuzimeve me fondet dhe neglizhencën e institucioneve shtetërore. Pas trajtimit të këtij krimi arkeologjik në gazetën Shqiptarja.com dhe Report TV, ish drejtori i Institutit arkeologjik, Myzafer Korkuti, sot kryetar i Akademisë së Shkencave ia kalon përgjegjësinë më të madhe Ministrisë së Kulturës dhe Institutit të Monumenteve të Kulturës.  VIDEO

 
Korkuti:Ja pse u shkatërrua afresku<br />në kishën e Gjon Pagëzorit në Krujë
Një tjetër reagim për zhdukjen e afreskut të zbuluar në 2007-ën në Kishën e Shën Gjon Pagëzorit vjen nga Myzafer Korkuti. Sipas tij që nga ajo kohë pasojat e shkatërrimeve të këtyre veprave të trashëgimisë vijnë nga keqorganizimi institucional mes Instituteve të Trashëgimisë dhe Akademisë së Shkencave

“Shqetësimi i prof. Senerit është i drejtë, plotësisht i drejtë. Unë nuk kam t’i shtojë atij shqetësimi sepse edhe unë e kam ndjekur ecurinë e këtij monumenti që në fazën e parë ku atje u ndërtua një kishë e re. Ndërhyj pranë ambasadës italiane, na mbështeti në fillim, ndërhymë pranë ministrisë së Kulturës, pranë Institutit të Monumenteve u dhanë premtime edhe u tha që do ruhet dhe në fund si gjithnjë u mbulua..” tha ai.

afresku kruje

Korkuti thotë se unë jam specialist dhe përgjegjësinë ia kalon institutit të Monumenteve të Kulturës dhe ish drejtorit Apollon Baçe për shkatërrimin e Afreskut dhe thotë se është evidente që fondet janë shpërdoruar.

“Përgjegjësia për mua është e Institutit të Monumenteve, të përgjigjen në intervistën duhet të vazhdoni me ish-drejtorin e Institutit të Monumenteve po këtu është evidente që është shpërdoruar ajo që është dhënë për të mbështetur këtë monument të përgjigjen ata që janë sepse ka shumë raste të tjera dhe asnjëherë nuk është llogari për këto punë,” u shpreh Korkuti.

Por arkeologu dhe kryetari aktual i Akademisë së Shkencave, Korkuti mendon se mes specialistëve të akademisë e punonjësve të institutit te monumenteve ka një ndarje dhe mungesë bashkëpunimi, ndaj ai iu apelon pushtetarëve që të kthehen strukturat në varësi të akademisë dhe specialistëve që të jenë bashkuar dhe të mbrohet trashëgimia. 

“Ne kemi kërkuar me kohë që të kthehet në strukturën që ka qenë Akademia e Shkencave me institutet albanalogjike dhe jo e shkëputur sepse ndodh që janë krijuar disa instanca disa institucione dhe secili bën punën e vet. I pafund është dëmi dhe do vazhdoj po të jetë kështu dëmi,” apeloi ai.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça