Koronavirusi, Gjermania tejkalon 100 mijë infeksione. Për herë të parë asnjë viktimë në Kinë

Gjermania ka tejkaluar shifrën e njëqind mijë të infektuar dhe 1800 viktima kurse Franca ka regjistruar deri tani rreth 9000 viktima (833 vdekje në 24 orët e fundit) dhe ka prekur pragun e 100 000 rasteve me infeksion nga koronavirusi.

Për herë të parë, në Kinë nuk u regjistruan vdekje të lidhura me koronaviursin. Autoritetet shëndetësore të Pekinit e kanë njoftuar për vetëm 32 raste të identifikuar pozitiv nga Covid-19 për një total prej mbi 82 600 personash kurse numri i vdekjeve nga fillimi i epidemisë është 3335.

Me kurbën e infeksioneve në zbritje, Spanja shpreson të hyjë në një fazë të re në luftën kundër përhapjes së koronavirusit. Raporti i fundit zyrtar flet për 637 vdekje në 24 orët e fundit për një total viktimash prej rreth 13 400 kurse numri i përgjithshëm i të infektuarve është mbi 36 600.

Ndërkohë, vullnetarët të shumtë po punojnë për të ndihmuar stafin e kujdesit shëndetësor. Që nga fillimi i emergjencës, më shumë se 19.400 punëtorë shëndetësorë spanjoll janë infektuar nga Covid-19, 10 përqind e të cilëve po trajtohen në spital, ndërsa shumica e pacientëve të prekur nga koronavirusi mbeten të izoluar në shtëpi.

Lajmi kryesor:

Itali, bie numri i infektimeve dhe pacientëve në terapi intensive! 604 të vdekur në 24 orë! Rekord viktimash në SHBA (VIDEO)

TAG:
• SHBA
• Trump
• Europë
• Koronavirus